Gujarati News

Gujarati News

News of Friday, 14th September 2018

જન્મદિવસની ખુબ ખુબ શુભેચ્છા: આયુષ્માન ખુરાના

મુંબઇ: હોનહાર અભિનેતા ગાયક આયુષમાન ખુરાનાનો આજે બર્થ ડે છે. આ કલાકાર આજે ૩૪ વર્ષનો થયો. ચંડીગઢથી મુંબઇ કામની શોધમાં આવેલા આ અભિનેતાએ અત્યાર સુધીમાં મોટે ભાગે બિનપરંપરાગત ફિલ્મો કરી છે.આયુષમાનની ફિલ્મોગ્રાફી જોઇએ તો નિઃસંતાન દંપતી માટે વીર્યદાન અને વીર્યબેંકની કથા કહેતી વીકી ડોનર, સતત ટેન્શનમાં જીવતા પુરુષને નડતી ઇરેેક્ટાઇલ ડિસફંક્શનની તકલીફની વાત કરતી ફિલ્મ શુભ મંગલ સાવધાન અને હવે મોટી વયના દંપતીને ત્યાં ફરી પારણું બંધાવાની શક્યતાના પગલે પરિવારમાં પ્રવર્તતી રમૂજી પરિસ્થિતિની વાત કરતી ફિલ્મ બધાઇ હો લઇને આયુષમાન આવી રહ્યો છે. એ એક સારો ગાયક પણ છે અને અત્યાર સુધીમાં એના બે સિંગલ આલ્બમ પણ રિલિઝ થઇ ચૂક્યા છે.  આયુષમાન સ્કૂલમાં ભણતો હતો ત્યારે બારમા ધોરણના ટયુશન ક્લાસમાં પરિચય થયો એ યુવતી તાહિરા કાશ્યપ જોડે એણે લગ્ન કર્યાં છે અને બંનેનું સુખી લગ્નજીવન છે.  સ્કૂલનું શિક્ષણ પૂરું કર્યા બાદ બંનેએ માસ કોમ્યુનિકેશનો કોર્સ જોઇન્ટ કર્યો. એ પૂરું કરતાં કરતાં બંનેને નાટકોમાં રસ પડયો અને એક જ નાટય મંડળીમાં બંને જોડાયાં હતા. ૨૦૧૧ના નવેંબરમાં બંનેએ સાદગીથી લગ્ન કર્યાં હતાં.

(5:02 pm IST)
  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST