Gujarati News

Gujarati News

News of Friday, 14th September 2018

યામી ગૌતમે ફિલ્મ 'ઉરી'માટે વાળ ટૂંકા કર્યા

મુંબઇ: હોનહાર અભિનેત્રી યામી ગૌતમે પોતાની આગામી ફિલ્મના પાત્ર માટે પોતાના લાંબા વાળ કપાવીને ટૂંકા કરાવી નાખ્યા હોવાની માહિતી મળી હતી.પાકિસ્તાની લશ્કરના જવાનો અને આતંકવાદીઓએ રાતના અંધકારમાં ઊંઘી રહેલા ભારતીય સૈનિકોની નિર્દયી હત્યા કર્યા બાદ ભારતીય લશ્કરે પાક કબજા હેઠળના કશ્મીરમાં ચાલી રહેલા આતંકવાદી તાલીમશિબિરો પર ૨૦૧૬ના ઉત્તરાર્ધમાં કરેલી સર્જિકલ સ્ટ્રાઇકની કથા ધરાવતી ઊરી ફિલ્મમાં યામી ગૌતમ એક ગુપ્તચર મહિલાનો રોલ કરી રહી છે.એણે કહ્યું કે અત્યાર સુધી હું મારા લાંબા વાળની ખૂબ કાળજી લેતી હતી. (યામી એક પ્રતિષ્ઠિત હેર ઓઇલની બ્રાન્ડ એમ્બેસેડર છે) પરંતુ મને ડાયરેક્ટરે કહ્યં કે ઇન્ટેલિજન્સ ઑફિસર લાંબા વાળ રાખે નહીં કારણ કે ક્યારેક લાંબા વાળ એને માટે મુશ્કેલી સર્જી શકે. એટલે તું વાળ ટ્રીમ કરાવી નાખ. ડાયરેક્ટરના સૂચનને સ્વીકારીને મેં કમને વાળ ટૂંકા કરાવી નાખ્યા.એણે કહ્યં કે રોલ માટે ડાયરેક્ટર કહે એ રીતે ફેરફાર કરવા જરૃરી બની રહે છે. જો કે હું આ ફિલ્મનં કામ પતી જાય ત્યારબાદ ફરી મારા વાળ લાંબા થઇ જાય એ માટે ભરપુર પ્રયાસો કરીશ.

(5:01 pm IST)
  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST