Gujarati News

Gujarati News

News of Friday, 14th September 2018

'સંજુ'ને લઈને રાજકુમાર હિરાણીએ કર્યો ખુલાસો

મુંબઇ: મોખરાના ફિલ્મ સર્જક રાજકુમાર હીરાણીએ કહ્યું હતું કે સંજય દત્તના સંજોગોને યોગ્ય સંદર્ભમાં સમજાવવા અને સંજય દત્ત માટે સહાનુભૂતિ જગાડવા માટે સંજુ ફિલ્મમાં અમે કેટલુંક ખોટ્ટું ઉમેરણ કર્યું હતું.અભિનેતા રણબીર કપૂરને મુખ્ય ભૂમિકામાં રજૂ કરતી સંજુ ફિલ્મે બોક્સ ઑફિસ પર કેટલીક અગાઉની ફિલ્મોના રેકર્ડ તોડી નાખ્યા હતા. જો કે ત્યારબાદ સંજયને નિકટથી પિછાણતા કેટલાક લોકો, પત્રકારો અને સંજય સાથે કામ કરી ચૂકેલા ફિલ્મ સર્જકોએ જાહેરમાં ટીકા કરી હતી કે આ ફિલ્મ સત્યથી વેગળી છે. આમાં સંજય દત્તને સજ્જન તરીકે ચીતરવાનો સભાન પ્રયાસ થયો છે.આવી ટીકાઓ થઇ ત્યારે રાજકુમાર હીરાણી કે ફિલ્મ સાથે સંકળાયેલા લોકોએ મૌન સેવ્યું હતું. પરંતુ હવે ફિલ્મે ધાર્યો બિઝનેસ કરી લીધો છે ત્યારે રાજકુમાર હીરાણીએ મોં ખોલ્યું હતું કે અમે શરૃમાં કેટલાક લોકોને વાસ્તવિકતાથી ભરપુર ફિલ્મ દેખાડી હતી. પરંતુ એ લોકોને ગમી નહોતી એટલે અમને થયું કે સંજય દત્ત પ્રત્યે સહાનુભૂતિ પ્રગટે એ રીતે ફિલ્મ રજૂ કરવી જોઇએ. પરિણામે અમે કેટલોક હિસ્સો પાછળથી ઉમેર્યો હતો. દાખલા તરીકે કોર્ટના ચુકાદા પછી સંજય આત્મહત્યા કરવાનો પ્રયાસ કરે છે એેવું વાસ્તવમાં બન્યું નહોતું. આ ફિલ્મે ૩૪૨ કરોડની ધરખમ આવક કરી હતી. સલમાન ખાનની એક થા ટાઇગર અને આમિર ખાનની થ્રી ઇડિયટ્સ જેવી ફિલ્મોની આવકના રેકર્ડ આ ફિલ્મે તોડી નાખ્યા હતા.

(5:00 pm IST)
  • અમારી માંગણી ઉપર સરકારે કામ કર્યુ નથી : લાલજી પટેલનું નિવેદન access_time 12:12 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • જમ્મુ-કાશ્મીરઃ શ્રીનગરના પંપોરા : હોટલમાં આગઃ મીડિયાની અનેકઃ ઓફિસો ત્યાં છેઃ ૫ ફાયર ફાઈટર દોડયાઃ શ્રીનગરઃ અહીંની પંપોરા હોટલમાં આગઃ ત્યાં મીડીયાની અનેક ઓફિસો આવેલી છેઃ આગને કાબુમાં લેવા ૫ ફાયર ફાઈટરો દોડયાઃ હોટલ ૬ માળની છેઃ કોઈ જાનહાની નથી access_time 3:18 pm IST