Gujarati News

મુંબઇઃ યે રેસ જીંદગી કી રેસ હૈ, કિસી કી જાન લેકર હી ખત્મ હોગી. પછી એ દર્શકોનો જીવ કેમ ન હોય. સ્ટારકાસ્ટની ભરમાર સાથે આવેલી રેસ 3માં તમે કંઈક તો જોવાની આશા રાખો કે જે ઇન્ટરેસ્ટિંગ હોય પરંતુ અફસોસ કે રેસ 3માં ફક્ત નિરાશા સીવાય તમને કંઈ હાથ લાગે તેવું છે નહીં. રેસની પાછલી બે ફ્રેન્ચાઇઝી બાદ આ વખતે મોટાભાગની સ્ટારકાસ્ટ બદલાઈ ગઈ છે. પાછલી બે ફિલ્મોમાંથી એક અનિલ કપૂર જ એવા છે જે હજુ પણ રેસમાં છે. જ્યારે જેકલીન ફર્નાન્ડિસને રેસ-2 પછી રેસ-3માં લીડ હીરોઇન બનવાનો મોકો મળ્યો છે. જ્યારે ડિરેક્ટર અબ્બાસ મસ્તાનની જગ્યાએ રેસ-3ના રેમો ડિસુઝાએ ડિરેક્ટ કરી છે. રેસને તેની બે પહેલાની ફ્રેન્ચાઈઝી સાથે કોઈ લેવા દેવા નથી.

ફિલ્મની વાર્તા શમશેર સિંહ(અનિલ કપૂર)થી શરૂ થાય છે. જો લગભગ 25 વર્ષ પહેલા ભારતમાં એક ષડયંત્રનો શિકાર બન્યો હોવાથી અલ શિફા ટાપૂ પર રહેવા આવી ગયો હોય છે. અહીં તે ગેરકાયદે હથિયારોનો ડીલર છે. તેના મોટાભાઈ રણછોડ સિંહનો દીકરો સિકંદર તેનો ડાબો હાથ છે. મોટાભાઈનું એક્સિડેન્ટમાં મોત થવાથી શમશેરે પોતાની ભાભી સાથે જ લગ્ન કરી લીધા હતા. જેના બે જૂડવા બાળકો છે સૂરજ(સાકિબ સલીમ) અને સંજના(ડેઝી શાહ). જ્યારે ફિલ્મનું એક વધુ પાત્ર છે યશ(બોબી દેઓલ) જે સિકંદરનો બોડીગાર્ડ છે.જ્યારે જેસિકા(જેકલિન ફર્નાન્ડિસ) સિકંદરની ગર્લફ્રેન્ડ હતી પરંતુ હવે તે યશ સાથે મળી જાય છે.

સિકંદર પોતાની ફેમિલી માટે જાન દેવા પણ તૈયાર હોય છે જ્યારે તેના સાવકા ભાઈ-બહેન તનાથી નફરત કરતા હોય છે. તેઓ યશને પણ પોતાની સાથે ભેળવી લે છે. શમશેર ભારત પરત ફરવા માગતો હોય છે અને તેને એક મોકો પણ મળે છે. તેના મિશનને પૂરુ કરવા સિકંદર પોતાની પૂરી ટીમ સાથે કંબોડિયા જાય છે. જ્યાં સૂરજ, સંજના અને યશ તેમને ફસાવી દે છે. જોકે જેસિકાની મદદથી તે બચી જાય છે. જે બાદ ખૂલે છે એક પછી એક રાઝ. જે જોવા માટે તમારે સિનેમાઘરમાં જવું પડશે.

બાકી કલાકોરની વાત કરીએ તો અનિલ કપૂર હંમેશા જબરજસ્ત રહ્યા છે અને આમાં પણ છે. તો જેક્લિન અને ડેઝીએ પણ આ ફિલ્મમાં સારા સ્ટંટ કર્યા છે. જ્યારે સાકિબ સલીમ તો પાતના રોલને નિભાવી દીધો છે તેટલું જ પૂરતું છે. બોબી દેઓલે આ ફિલ્મમાં શર્ટ ઉતારીને કેટલાક એક્શન સીન્સ કર્યા છે. પરંતુ તેનો ભાવહીન ચહેરો આ ફિલ્મમાં પણ તેનો સાથ નથી આપતો. આ ફિલ્મમાં વિલન પણ છે અને તેનો રોલ કરવાવાળા ફ્રેડી દારુવાળાએ આ ફિલ્મ શા માટે સાઇન કરી તે એક મોટો પ્રશ્ન છે. કેમ કે અહીં તો રેસ ફેમિલીમાં જ એટલા વિલન છે કે તેમના માટે કોઈ સ્કોપ જ નથી.

અલબત્ત, ફિલ્મની સિનેમોટોગ્રાફી સુપર્બ છે. બેંકોક અને અબૂ ધાબીના સૌથી સુંદર લોકેશન્સ પર આ ફિલ્મનું શૂટિંગ કરવામાં આવ્યું છે. તો લદ્દાખ અને કશ્મીરના સુંદર વેલીઓમાં ફિલ્માવવામાં આવેલ રોમેન્ટિક સોંગ્સ પણ જોવામાં સારા લાગે છે. આવા એક બે સોંગને બાકી રાખીને બાકીના સોંગ્સ જબરજસ્તી મારી મચકોડીને મુક્યા હોય તેવું લાગે છે. જોકે ફિલ્મ પ્રોડ્યસર્સે ક્લાઇમેક્સ એવો આપ્યો છે કે તેની સિક્વલ આવી શકે છે. ત્યારે આ ફિલ્મ વિશે તો એટલું જ કે ફક્ત અને ફક્ત સલમાનના ફેન્સ માટે છે. જે દિલમાં તો આવે છે પરંતુ સમજમાં જરા પણ નથી આવતા. બાકી જો તમે ફિલ્મ જોવા જવા માગતા હોવ તો તમારા રિસ્ક પર જજો બોસ….