Gujarati News

Gujarati News

News of Friday, 15th March 2019

હવે મહિલા સિંઘમ પર ફિલ્મ બનાવશે રોહિત શેટ્ટી

મુંબઈ:મોખરાના ફિલ્મ સર્જક અને 1૦૦ કરોડની ફિલ્મોની ક્લબના સ્થાપક રોહિત શેટ્ટીએે કહ્યું હતું કે હવે હું મહિલા સિંઘમ ટાઇપની એક ફિલ્મ બનાવવાનો વિચાર કરું છું.'અત્યાર સુધી પુરુષ  પોલીસ ઇન્સ્પેક્ટરની વાતો કરી. સિંઘમ, સિંઘમ રિટર્ન્સ અને સિમ્બા બનાવી. હાલ અક્ષય કુમાર સાથે પણ એવીજ એક ફિલ્મ બનાવી રહ્યો છું. એ પૂરી થાય પછી બિનધાસ્ત મહિલા પોલીસ અફસરને રજૂ કરવાની ઇચ્છા છે' એમ રોહિતે કહ્યું હતું.એમ તો અગાઉ પ્રિયંકા ચોપરાને લઇને ફેમ ફિલ્મ સર્જક પ્રકાશ ઝાએ અને યશ રાજે રાની મુખર્જી ચોપરાને લઇને નિર્ભય મહિલા પોલીસ અધિકારીની ફિલ્મ બનાવી હતી. પરંતુ કથાની માવજતની રોહિતની શૈલી બીજાઓ કરતાં અલગ છે. એણે કહ્યું કે મારા મનમાં પોલીસ અધિકારીઓની ફિલ્મો વિશે એેક કાલ્પનિક વર્તુળ છે. સિંઘમ પછી સિમ્બા આવી તેમ હવે અક્ષયની સૂર્યવંશી આવશે અને ત્યારબાદ મહિલા પોલીસ અધિકારી આવશે. એ સાથે એક વર્તુળ પૂરું થશે જે મારા મનમાં લાંબા સમયથી આકાર લઇ રહ્યું હતું.

(5:36 pm IST)
  • પ્રવિણ તોગડીયા પાણીની ટાંકીના ચિન્હ સાથે લોકસભાની ચૂંટણી લડશે : હિન્દુસ્તાન નિર્માણ દળ રાજકીય પક્ષનું ચિન્હ પાણીની ટાંકી અપાયુ access_time 6:16 pm IST

  • તળાજા તાલુકામાં સરઘસ કાઢવા પર પ્રતિબંધ :તળાજા તાલુકાના કેટલાંક ગામોમા તા.23 માર્ચ સુધી યોગ્ય સત્તાધિકારીની પૂર્વ મંજુરી સિવાય સરઘસો કાઢવા પર પ્રતિબંધ ફરમાવતા અધિક કલેકટર ઉમેશ વ્યાસ access_time 11:31 pm IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST