Gujarati News

Gujarati News

News of Saturday, 15th February 2020

કિર્તિદાન ગઢવીનું વેલેન્ટાઈન સ્પેશિયલ 'સાઈબો રે' રીલિઝ

યુવા હૈયાઓની લાગણી વ્યકત કરતાં દિવસે રજૂ થયેલા આ ગીતમાં વિરહની વેદના પણ જોવા મળે છે

રાજકોટ, તા.૧૫: યુવાહૈયાઓ પર વેલેન્ટાઈનનો ખુમાર છવાયો છે ત્યારે ગુજરાતના લોકલાડીલા ગાયક કિર્તિદાન ગઢવીના અષાઢી કંઠે અને પ્રિયા સરૈયાના અવાજમાં ગીત 'સાયબો રે' રીલિઝ થયું છે. આ ગીતને રાજભા ગઢવી અને પ્રિયા સરૈયાએ લખ્યું તો છે જ સાથે સાથે આ ગીતને કમ્પોઝ પણ કર્યું છે. આ ગીતને વેલેન્ટાઈન પર રજૂ કરવામાં આવ્યું છે. યુવાહૈયાઓની લાગણી વ્યકત કરતાં દિવસે રજૂ થયેલા આ ગીતમાં વિરહની વેદના પણ જોવા મળે છે.

કિર્તિદાન ગઢવી અને પ્રિયા સરૈયાનું ગીત 'સાઈબો રે' નિરંતર શાશ્વત ભાવનાની અપીલ કરે છે. આ ઉપરાંત ગીતના શબ્દો સાથેસાથે એક મજબૂત ગમગીની જોડાયેલી છે. પ્રિયા સરૈયાએ કિર્તિદાન સાથે કામ કરવા અંગે જણાવ્યું હતું કે,'મારૂ હંમેશાથી સપનું હતું કે કિર્તિભાઈ સાથે ગાવું. અમને બન્નેને સાથે લાવવાનું આ એક પર્ફેકટ ગીત હતું. કિર્તિભાઈ તો પહેલાથી જ તેના લાઈવ શોમાં ગીત ગાઈ રહ્યાં છે. મને યાદ છે કે જયારે મેં પહેલીવાર આ ગીત રજૂ કર્યું ત્યારે તેણે તરત જ મંજૂરી આપી હતી અને મારી સાથે ગીત ગાવા માટે સહમત થયા હતાં. કિર્તિભાઈ હંમેશા કંઈક સમકાલીન ગાવાનું ઈચ્છતાં હતાં. જે તેમણે પહેલા કયારેય કર્યું નથી.'

ફરીથી જીવંત બનાવશે 'સાઈબો રે'

કુમાર તૌરાનીએ કહ્યું હતું કે, 'એવા કેટલાક ગીતો હોય છે. જે બદલાતી પેઢી, ભાષા કે રજૂ થયાના સમયને ધ્યાનમાં લીધા વગર જ કાયમ માટે હોય છે. જયારે તમે આવા ગીતો સાંભળો છો ત્યારે તે ફકત કોઈના જીવનની ગમગીન યાદોને પાછું લાવતું નથી પણ તમને ફરીથી જીવંત બનાવે છે. 'સાઈબો રે'પણ આવી જ એક મેલોડી છે. જે સુંદર નવા અવાજ અને અભિગમ સાથે આજના પ્રેક્ષકો આવકારશે.'

(11:21 am IST)
  • સુરત ટેક્સટાઇલ્સ વેપાર સાથે સંકળાયેલ અનિલ નાથાભાઈ હિરપરાની જીએસટી વિભાગ દ્વારા ધરપકડ : 15,53 કરોડની ટેક્સ ક્રેડિટ અને 3,57 કરોડના બોગસ રિફંડ ક્લેમ કરવા મામલે કાર્યવાહી access_time 10:23 pm IST

  • પુલવામાં શહીદોની શહાદતને દિવસે કર્ણાટકના હુબલીમાં પાકિસ્તાન ઝિંદાબાદ ના નારા : કાશ્મીરથી અભ્યાસ કરવા આવેલા ત્રણે સ્ટુડન્ટ્સે નારા લગાવતા લોકોએ ધોકાવ્યા : પોલીસે ધરપકડ કરી access_time 7:13 pm IST

  • વડાપ્રધાન વારાણસી આવવાના હોવાથી સફાઈ કરી રહેલા કર્મચારીને કારે ટક્કર મારી : સ્થળ ઉપર જ મોત : કાર ચાલક રફુચક્કર : રસ્તા ચક્કાજામ : 16 ફેબ્રુઆરીના રોજ વડાપ્રધાનના આગમન પહેલા કરૂણ બનાવ : સફાઈ કર્મચારીઓએ મૃતદેહ સ્વીકારવાનો ઇન્કાર કર્યો : મૃતકના પરિવાર માટે વળતર માગ્યું : આરોપીને સજા કરાવવા માંગણી કરી access_time 7:28 pm IST