Gujarati News

Gujarati News

News of Thursday, 15th February 2018

બિગબોસ-11 વિજેતા શિલ્પા શિંદેએ નિર્માતા સામેનો કેસ પાછો ખેંચ્યો

મુંબઈ:બિગબોસ-૧૧ની વિનર રહી ચુકેલ શિલ્પા શિંદે ફરી એકવાર ચર્ચામાં છે. સુત્રોનુ માનીએ તો શિલ્પાએ ભાભીજી ઘર પે હૈના પ્રોડયુસર સામે કરેલ યૌન શોષણનો કેસ પાછો ખેંચી લીધો છે. શિલ્પાએ ગત વર્ષે માર્ચ મહિનામાં કેસ દાખલ કર્યો હતો. 
શિલ્પાને ભાભીજી ઘર પર હૈ સિરીયલથી લોકપ્રિયતા મળી હતી. જોકે તેણે શો અધવચ્ચે છોડી દીધો હતો. જેથી શોના પ્રોડયુસરે તેના પર અનપ્રોફેશનલ હોવાનો આરોપ લગાવ્યો હતો. ત્યારબાદ શિલ્પાએ પ્રોડયુસર બેનીફરના પતિ સંજય કોહલી પર યૌન શોષણનો આરોપ લગાવ્યો હતો. શિલ્પાએ સંજય કોહલી પર તેની મજબુરીનો ફાયદો ઉઠાવવાનો અને ખોટા ઈરાદે છેડતી કરવાનો પણ આરોપ લગાવ્યો હતો. એટલુ નહીં શિલ્પાએ પણ જણાવ્યુ હતું કે સંજયે તેને ધમકી આપી હતી કે જો તે અંગે કોઈને કહેશે તો તેને શોમાંથી હાંકી કાઢવામાં આવશે. 
શિલ્પાએ શો છોડયા બાદ બેનીફર સાથેની તેની લડાઈ ખૂબ વધી ગઈ હતી. એટલા સુધી કે ટીવી પ્રોડયુસર એસોસીએશને પણ શિલ્પાનો બાયકોટ કર્યો હતો. ત્યારે હવે તેને વિવાદ ઉકેલવા કેસ પાછો ખેંચ્યો છે. શિલ્પાનુ કહેવુ હતું કે શોમાં મારા જે પૈસા બાકી લેવાના નીકળતા હતા તે હવે મને મળી ગયા છે, જેથી હવે વિવાદને આગળ વધારવાનો કોઈ મતલબ નથી.

(5:16 pm IST)
  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST