Gujarati News

Gujarati News

News of Tuesday, 13th February 2018

સલ્લુભાઈ બોબી દેઓલ સાથે વધુ ફિલ્મો કરે તેવી શક્યતા

મુંબઈ:ફિલ્મ ટાઈગર અભી જિંદા હૈની ભવ્ય સફળતા બાદ બોલીવુડ અભિનેતા સલમાન ખાન અત્યારે પોતાની આગામી ફિલ્મોના શુટિંગમાં વ્યસ્ત છે. સલમાન પાસે અત્યારે ત્રણ કરતા વધુ પ્રોજેક્ટ છે. જેમાં દબંગ-૩ અને રેસ-૩ ઉપરાંત ભારત જેવી ફિલ્મો પણ સામેલ છે. ત્યારે હવે દબંગ ખાન ફિલ્મ રેસ-૩ના પોતાના કો-સ્ટાર બોબી દેઓલથી એટલો બધો પ્રભાવિત થયો છે કે તેની સાથે અન્ય ફિલ્મો કરવાનુ મન બનાવી ચુક્યો છે. સુત્રોના જણાવ્યા મુજબ, રેસ-૩ બાદ સલમાન ભારત અને લવરાત્રિમાં પણ બોબી દેઓલને લેવાનુ મન બનાવી રહ્યો છે.મહત્વનું છે કે, બોબી દેઓલ ઘણા સમય બાદ પડદા પર વાપસી કરવા જઈ રહ્યો છે. ગત વર્ષે તેની પોસ્ટર બોય્ઝ ફિલ્મ રીલીઝ થઈ હતી, જે દર્શકોને પસંદ તો પડી હતી પરંતુ બોક્સ ઓફિસ પર કલેક્શન કરવામાં નિષ્ફળ રહી હતી. આ ફિલ્મમાં બોબી પોતાના મોટાભાઈ અભિનેતા સની દેઓલ અને શ્રેયસ તળપદે સાથે નજરે પડયો હતો. ત્યારે હવે બોબી દેઓલ રેસ-૩માં બોલીવુડના સફળ સુપરસ્ટાર સલમાન સાથે નજરે પડવા જઈ રહ્યો છે. આ ફિલ્મમાં તેનુ પાત્ર ખાસ માનવામાં આવી રહ્યુ છે અને પોતાના પાત્રને ન્યાય આપવા તેણે વજન પણ ઉતાર્યુ છે. 

 

 

(5:01 pm IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST