Gujarati News

Gujarati News

News of Friday, 15th January 2021

અજય સાથે ત્રીજી વખત રકુલપ્રિત

અજય દેવગણ અને રકુલપ્રિત સિંહ સતત ત્રીજી વખત સાથે કામ કરી રહ્યા છે. દે દે પ્યાર દે ફિલ્મમાં રકુલપ્રિતે અજયની ખુબ નાની વયની પ્રેમિકાનું પાત્ર ભજવ્યું હતું. આ બંને મે ડે નામની બીજી ફિલ્મ પણ કરી રહ્યા છે. જેનું શુટીંગ ચાલુ છે. હવે રકુલપ્રિત સતત ત્રીજી ફિલ્મ અજય સાથે કરી છે. જેમાં સિધ્ધાર્થ મલ્હોત્રા પણ છે. થેન્ક ગોડ નામની આ ફિલ્મનું નિર્દેશન ઇન્દ્ર કુમાર કરી રહ્યા છે. નિર્માતા ભુષણ કુમાર અને યશ શાહ છે. અજય સતત ફિલ્મોના શુટીંગમાં વ્યસ્ત છે. કોરોના કાળ વચ્ચે સાવધાની પુર્વક તે કામ કરી રહ્યો છે.  મે ડે ફિલ્મનું તો નિર્દેશન પણ અજય પોતે કરી રહ્યો છે. જેમાં અમિતાભ બચ્ચન પણ છે. અજયની અન્ય ફિલ્મોમાં મેદાન, આરઆરઆર, ભુજ-ધ પ્રાઇડ ઓફ ઇન્ડિયા, તમિલ સુપરહિટ કૈથીની હિન્દી રિમેક, ગલવાન ઘાટી પર આધારીત એક ફિલ્મ અજયના હાથ પર છે. આ ઉપરાંત રોહિત શેટ્ટી સાથે ગોલમાલ-૩ અને સિંઘમ-૩ પણ કતારમાં છે. ચાણકયમાં પણ અજય  મુખ્ય ભુમિકા નિભાવી રહ્યો છે.

(10:26 am IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • ૨૨થી વધુ વ્હીલવાળો મહાકાય ટ્રક પુલ નીચે ખાબકયો : રાજકોટથી અમદાવાદ હાઈવે ઉપરના બગોદરા નજીક આવેલ પુલ ઉપરથી આજે બપોરે એક મહાકાય ટ્રકના ચાલકે અચાનક બેલેન્સ ગુમાવતા ટ્રક પુલ નીચે ખાબકયો હતો : સદ્દનસીબે કોઈ મોટી જાનહાની સર્જાઈ ન હતી : હાઈવે ઉપરના વાહન ચાલકોએ તુરંત જ પોતાની ગાડીઓ થંભાવી અને ટ્રક ચાલક પાસે પહોંચી ગયા હતા પરંતુ ટ્રકચાલકને પણ કોઈ મોટી ઈજા થઈ ન હતી, દરમિયાન આસપાસના લોકોએ માર્ગ ઉપર સેફટીના સાધનો મૂકી વાહન વ્યવહાર ડાયવર્ટ કરાવ્યો હતો. access_time 4:25 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST