Gujarati News

મુંબઈ: દિગ્દર્શક શશાંક ખેતાનની ફિલ્મમાં વરુણ ધવન ફરી એકવાર જોવા મળશે. શશાંક ખેતાને વરુણ ધવન સાથેની 'હમ્પ્ટી શર્મા કી દુલ્હનિયા' અને 'બદ્રીનાથ કી દુલ્હનિયા' જેવી બે સુપરહિટ ફિલ્મ્સ ડાયરેક્ટ કરી છે. કરણ જોહર નિર્માતા ફિલ્મ શ્રી લેલેમાં વરૂણ ધવન કામ કરી રહ્યા છે. ફિલ્મનું દિગ્દર્શન શશાંક ખેતાન કરશે.કરણ જોહરે શ્રી લેલેનો ફર્સ્ટ લુક સોશિયલ મીડિયા પર શેર કર્યો છે. આ પોસ્ટરમાં વરૂણ ઉચા હાથ સાથે ઉભો છે અને ડરી ગયો છે. તેણે પોતાના અન્ડરવેર ઉપર ફેની પેક પહેરેલ છે અને એક હાથમાં રિવોલ્વર લટકી છે અને બીજા હાથમાં એક ઘડિયાળ છે.ફિલ્મનો પહેલો લુક શેર કરતા વરૂણ ધવને ટ્વિટર પર લખ્યું, કરણ જોહર મને માફ કરી દે. શશાંક ખેતાન, ચાલો આપણે પોતપોતાના ઘરે જઈએ. ફિલ્મના પહેલા શિડ્યુલનું શૂટિંગ મુંબઈના વરલી વિસ્તારમાં કરવામાં આવનાર છે. આ ફિલ્મ આવતા વર્ષે એટલે કે 1 જાન્યુઆરી 2021 માં રિલીઝ થશે.