Gujarati News

Gujarati News

News of Saturday, 14th December 2019

પ્યાર કા પંચનામાથી બોલિવૂડમાં ઓળખ બનાવનાર ડાયરેક્ટર લવ રંજનની ફિલ્મ જય મમ્મી દી ફિલ્મનું ટ્રેલર રિલીઝ

નવી દિલ્હી: ફિલ્મ 'પ્યાર કા પંચનામા'થી બોલીવુડમાં પોતાની ઓળખ બનાવનાર ડાયરેક્ટર લવ રંજન હવે નિર્માતા તરીકે ડેબ્યૂ કરવા જઇ રહ્યા છે. તેમણે પોતાની પહેલી ફિલ્મ 'જય મમ્મી દી' આજે રિલીઝ કરી દેવામાં આવ્યું છે. આ ફિલ્મના ટ્રેલરને જોઇને તમે પણ પોતાનું હસુ રોકી ન શકો. કારણ કે અહીં કહાની બોલીવુડના જૂના ફોર્મૂલાથી ખૂબ અલગ જોવા મળી રહી છે.

આ ફિલ્મ લવ રંજન અને ભૂષણ કુમારના બેનર હેઠળ આ ફિલ્મ બનાવવામાં આવી છે. ફિલ્મની કાસ્ટની વાત કરીએ તો એકવાર ફરી લવ રંજને પોતાના મનપસંદ એક્ટર સની સિંહ અને સોનાલી સહગલને હીરો-હિરોઇન તરીકે લીધા છે.

આ ફિલ્મમાં સુપ્રિયા પાઠક, સની સિંહની માતા બની છે તો પૂનમ ઢિલ્લોન સોનાલી સહગલના માતાના પાત્રમાં છે. બંનેના ટ્રેલરમાં 'મોગેંબો' અને 'ગબ્બર'ના નામથી મુલાકાત કરાવી છે. બંનેના બાળકોમાં પ્રેમ થઇ જાય છે અને કહાનીમાં આવે છે રસપ્રદ ટ્વિસ્ટ.

તમને જણાવી દઇએ કે 'જય મમ્મી દી' નવજોત ગુલાટી દ્વારા લેખિત અને નિર્દેશિત છે. ટી સીરીઝના ભૂષણ કુમાર અને કૃષ્ણ કુમાર અને લવ ફિલ્મ્સના લવ રંજન અને અંકુર ગર્ગ દ્વારા નિર્મિત આ ફિલ્મ 17 જાન્યુઆરી 2020માં રિલીઝ માટે તૈયાર છે.

 

(5:41 pm IST)
  • પહાડી વિસ્તારોમાં હિમસ્ખલન - ભૂસ્ખલનનું જોખમ વધ્યુ : બરફબારી વૈષ્ણોદેવીમાં પ્રથમ હિમવર્ષા થઈ : ગંગોત્રી- યમુનોત્રીમાં ૬ ઈંચ બરફવર્ષા : વિશ્વ પ્રસિદ્ધ જમ્મુના વૈષ્ણોદેવીમાં પ્રથમ હિમવર્ષાથી પહાડો ઢંકાઈ ગયા છે. સતત વરસાદ - હિમપાત ચાલુ છે. પહાડો ઉપર હિમસ્ખલન - ભૂસ્ખલનનો ભય વધ્યો છે. હજુ બે દિવસ હિમવર્ષા - વરસાદ ચાલુ રહેશે.ગંગોત્રી - યમુનોત્રીમાં છેલ્લા ૩૬ કલાકમાં ૬ ઈંચથી વધુ બરફ પડ્યો છે. કાશ્મીરમાં સતત ૮મા દિવસે ધુમ્મસ - વરસાદ - બરફબારીને લીધે વિમાની સેવા બંધ રહી છે. શ્રીનગર - જમ્મુ હાઈવે બંધ કરાયો છે. શ્રીનગર - પહેલગામમાં માઈનસ ૧ અને ગુલમર્ગમાં માઈનસ ૩.૬ ડિગ્રી રહેલ છે. access_time 1:28 pm IST

  • મહારાષ્ટ્રના પાલઘર પંથકમાં 3,4 સ્કેલનો ભૂકંપનો આંચકો : લોકોમાં ફફડાટ access_time 12:06 am IST

  • દેશની ૩.૬ લાખ આંગણવાડી કેન્દ્રોમાં શૌચાલયની સુવિધા નથી : દેશની ૩.૬૨ લાખ આંગણવાડી કેન્દ્રોમાં શૌચાલયની સુવિધા નથી : ૧.૫૯ લાખ આંગણવાડીઓમાં પાણીની અપૂરતી સુવિધા : લોકસભામાં એક પ્રશ્નના જવાબમાં કેન્દ્રીય મહિલા અને બાળવિકાસ મંત્રી સ્મૃતિ ઈરાનીએ આ વાત કહી હતી : મંત્રીએ આપેલ આંકડા મુજબ ઉત્ત્।ર પ્રદેશમાં કુલ ૧.૮૭ લાખ એટલે કે એક તૃતીયાંશ આંગણવાડી કેન્દ્રો શૌચાલયની સુવિધાથી વંચિત છે. access_time 3:15 pm IST