Gujarati News

બોલીવૂડમાં હાલમાં સિકવલ ફિલ્મોની બોલબાલા છે. સતત એક પછી એક સિકવલ આવી રહી છે. તેમાં હવે રાની મુખર્જીની મર્દાની-૨ પણ સામેલ થઇ ગઇ છે. રાનીની ફિલ્મ મર્દાનીને ચાહકોએ અને વિવેચકોએ ખુબ પસંદ કરી હતી. જેમાં રાનીએ પોલીસ ઓફિસરનો રોલ નિભાવ્યો હતો. બાળ તસ્કરી જેવા ગંભીર મુદ્દા પર એ ફિલ્મ બની હતી. હવે યશરાજ ફિલ્મ્સ રાની મુખર્જીને લઇને મર્દાની-૨ બનાવવા તૈયારી કરી રહ્યું છે. આ ફિલ્મનું નિર્દેશન ગોપી પુથરન કરશે. ગોપીએ અગાઉ મર્દાનીની કહાની લખી હતી. આદિત્ય ચોપડા આ ફિલ્મના નિર્માતા છે. શુટીંગ આવતા વર્ષે શરૂ થશે અને એ વર્ષમાં ફિલ્મ જ રિલીઝ કરવામાં આવશે. રાનીએ કહ્યું હતું કે મર્દાની ફિલ્મ પ્રત્યે મને ખુબ લાગણી છે. હવે મર્દાની-૨ બનતી હોવાથી હું અત્યંત ખુશ છું. ગોપીએ ફરીથી જબરદસ્ત સ્ક્રિપ્ટ લખી છે. શુટીંગ માટે હું બેકરાર છું.