Gujarati News

મુંબઈ: બોલિવૂડ એક્ટ્રેસ પ્રિયંકા ચોપડાએ ત્રણ વર્ષથી હિન્દી ફિલ્મમાં કામ ન કરવાનું કારણ આપ્યું છે. પ્રિયંકા ચોપડા છેલ્લે વર્ષ 2016 માં રિલીઝ થયેલી ફિલ્મ જય ગંગાજલમાં જોવા મળી હતી.પ્રિયંકા હવે ત્રણ વર્ષ પછી 'ધ સ્કાય ઇઝ પિંક'માં જોવા મળશે. તાજેતરમાં 'ધ સ્કાય ઇઝ પિંક' નું ટ્રેલર રિલીઝ થયું હતું, જેને ખુબ પસંદ કરવામાં આવ્યું છે. ફિલ્મની વાર્તા દિવંગત લેખક અને પ્રેરક વક્તા આયેશા ચૌધરીના જીવન પર આધારિત છે.ફિલ્મમાં ઝાયરા વસીમે આયેશાની ભૂમિકા ભજવી છે, જ્યારે પ્રિયંકા અને ફરહાન અખ્તર તેમના માતા-પિતાની ભૂમિકામાં છે. પ્રિયંકા સમજાવે છે કે તેણે ત્રણ વર્ષ પછી કેમ ફિલ્મના પડદે પાછા ફરવાનું નક્કી કર્યું અને શા માટે તેણે આ ફિલ્મ પરત જવા માટે પસંદ કરી. પ્રિયંકાએ કહ્યું કે આવી ફિલ્મો કરવામાં ઘણો સમય લાગે છે અને તેથી તેણે છેલ્લા ત્રણ વર્ષમાં બીજી કોઈ હિન્દી ફિલ્મ કરી નથી.પ્રિયંકાએ કહ્યું કે તે એક એવી ફિલ્મની શોધમાં હતી જેમાં તેને અભિનેતા તરીકે સંપૂર્ણ રીતે ડૂબી જવાનો મોકો મળ્યો. પછી ભલે તે કોઈ ભારતીય ફિલ્મ હોય કે અમેરિકન. 'ધ સ્કાય ઇઝ પિંક' આ વર્ષે 11 ઓક્ટોબરે રિલીઝ થશે.