Gujarati News

Gujarati News

News of Thursday, 14th June 2018

સોશિયલ મીડિયા પર છવાયું 'ધડક'નું ટ્રેલર

'ધડક'ની ધૂમ : ૪૮ કલાકમાં ૩ કરોડથી વધુ વખત જોવાયું ટ્રેલર !

મુંબઇ તા. ૧૪ : ઈશાન ખટ્ટર અને જાહનવી કપૂર સ્ટારર 'ધડક'નું ટ્રેલર લોન્ચ થઈ ગયું છે અને લોન્ચિંગની સાથે જ ટ્રેલરે સોશિયલ મીડિયા પર ધૂમ મચાવી દીધી છે. ટ્રેલરને ૪૮ કલાકમાં જ ૩૦ મિલિયનથી વધુ વ્યૂઝ મળી ચૂકયા છે. ફિલ્મ નિર્માતા કરણ જોહરે પોતે આ વાતની જાણકારી ટ્વીટર પર આપી છે. કરણે આટલા જબરદસ્ત રિસ્પોન્સ માટે બધાને થેન્કસ કહ્યું. 'ધડક' સુપરહિટ ફિલ્મ 'સૈરાટ' ની હિન્દી રીમેક છે.

પોતાની ઉત્સુકતાને શેર કરતા કરણે લખ્યું, 'એક લવ સ્ટોરી, ્નધડક! ૨૦ જુલાઈએ પહેલા પ્રેમની આ અનકન્ડિશનલ સ્ટોરીને જુઓ... અનકન્ડિશનલ લવ... ડીપ લવ... અને આ પ્રેમ માટે તમારા બધાનો આભાર! ૪૮ કલાકમાં ૩૦ મિલિયન વ્યૂઝ!'  કરણે આ ટ્વીટમાં નિર્દેશક શસાંક ખૈતાનને પણ ટેગ કર્યો.

'ધડક'ને ધર્મા પ્રોકકશન પ્રોડ્યૂસ કરી રહી છે. આ ફિલ્મથી પ્રખ્યાત દિવંગત અભિનેત્રી શ્રીદેવીની પુત્રી જાહ્રનવી કપૂર બોલિવૂડમાં ડેબ્યૂ કરી રહી છે. તેની સામે શાહિદ કપૂરનો ભાઈ ઈશાન ખટ્ટર દેખાશે જે 'બિયોન્ડ ધ કલાઉડ્સ' થી ડેબ્યૂ કરી ચૂકયો છે. ટ્રેલર લોન્ચના પ્રસંગે જાહનવીના કાકા અનિલ કપૂર, સંજય કપૂર, કઝિન શનાયા કપૂર, જહાન અને હર્ષવર્ધન કપૂર પણ જોવા મળ્યા.

(12:31 pm IST)
  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST