Gujarati News

Gujarati News

News of Friday, 14th May 2021

ગંભીર નહિ હવે કોમેડી પાત્રો કરવા છે અમિતને

મિરઝાપુર, હોસ્ટેજીસ, કાઠમંડુ કનેકશન, એ સિમ્પલ મર્ડર, ડમેજ્ડ અને બીજા એવા ઘણા શો કે જેમાં મોટે ભાગે અભિનેતા અમિત સિયાલ અત્યંત ગંભીર પ્રકારના રોલમાં જ જોવા મળ્યો છે. અમિતે કબુલ કર્યુ હતું કે સતત આવા પાત્રો ભજવવાને કારણે મગજ પર તેની ખુબ અસર પડે છે. મોટા ભાગના શોમાં તેણે પોલીસના પાત્રો જ ભજવ્યા છે. અમિત કહે છે હવે મારી ઇચ્છા આવા પોલીસ અધિકારીઓના પાત્રો ભજવવાની જરાય નથી. હવે મારે કોમેડી પણ કરવી છે. આવા ગંભીર પ્રકારના પાત્રોથી હવે થોડો સમય મારે દૂર થઇ જવું છે. આવા પાત્રો મારા મગજ પર સીધી અસર કરી રહ્યા છે. ડાર્ક કોમેડી કરવા મળશે તો એના માટે પણ મારી તૈયારી છે. અભિનેતાને સ્ટીરીયોટાઇપ બનાવી દેવામાં આવે છે. આ કારણે મને સતત પોલીસના પાત્રો જ મળતાં રહ્યા છે. ઓફર આવતી રહે છે અને હું ના નથી કહી શકતો. દર્શકોએ મારા આવા પાત્રોને ખુબ પ્રેમ પણ આપ્યો છે. પરંતુ મગજ પર અવળી અસર થઇ રહી હોવાથી થોડો સમય હું આવા પાત્રો કરવા ઇચ્છતો નથી. કાનપુરનો આ અભિનેતા ૨૦૦૬થી અભિનયની દુનિયામાં છે.

(10:01 am IST)
  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • છત્તીસગઢ સરકાર આ નાણાકીય વર્ષ દરમિયાન કોરોનાને લીધે તેમના માતાપિતા ગુમાવનારા તમામ બાળકોના શિક્ષણનો સંપૂર્ણ ખર્ચ ઉઠાવશે. આ ઉપરાંત 1 થી 8 ધોરણ સુધીના બાળકોને મહિનામાં 500 રૂપિયા અને નવમી થી બારમી સુધીના આવા બાળકોને દર મહિને 1000 રૂપિયાની શિષ્યવૃત્તિ પણ રાજ્ય સરકાર આપશે. access_time 11:27 pm IST

  • "સ્પુટનિક-૫" નો પરતી ડોઝનો ભાવ જાહેર થયો: રૂ. ૯૯૫.૪૦ રશિયાથી આવેલી કોરોનાની વેક્સીન "સ્પુટનિક-૫" આવતા સપ્તાહથી ભારતમાં રૂ. ૯૯૫.૪૦ ના ભાવથી મળશે. જુલાઈ મહિનામાં આ રસીનું ઉત્પાદન ભારતમાં શરૂ થશે પછી તેની કિંમતમાં ઘટાડો થશે તેમ જાણવા મળે છે.* access_time 12:52 pm IST