Gujarati News

Gujarati News

News of Tuesday, 14th May 2019

સલમાન ખાનની વિર ફિલ્મથી બોલિવૂડમાં એન્ટ્રી કરનાર અભિનેત્રી ઝરીન ખાનનો ૩૨મો જન્મદિન

મુંબઈ : સલમાન ખાનની ફિલ્મ વીરથી બોલિવૂડમાં એન્ટ્રી લેનાર એક્ટ્રેસ ઝરીન ખાનનો આજે 32મો જન્મદિવસ છે. તેની ખૂબસુરતીએ તેને બોલિવૂડમાં અનેક પ્રોજેક્ટ અપાવ્યા છે પણ તેને સફળતા નથી મળી. આજે ઝરીન પંજાબી ફિલ્મ ઇન્ડસ્ટ્રીમાં જાણીતું નામ છે. ઝરીન ઇન્ડસ્ટ્રીમાં આવી હતી ત્યારે તેનું વજન બહુ વધારે હતું અને આ કારણે તેને ટ્રોલ કરવામાં આવી હતી. બાળપણથી હેલ્ધી રહેલી ઝરીનનું વજન કોલેજકાળમાં 100 કિલો જેટલું હતું. જોકે મોડેલિંગમાં શરૂ કર્યા પછી તેણે વજન ઓછું કર્યું હતું અને જેના પગલે તેને બોલિવૂડમાં એન્ટ્રી મળી હતી. ઝરીને ખાને વીર ઉપરાંત હાઉસફુલ 2, હેટ સ્ટોરી 3, અક્સર 2 અને જટ જેમ્સ બૉન્ડ જેવી ફિલ્મોમાં કામ કર્યું હતું. જટ જેમ્સ બૉન્ડમાં ઝરીનના અભિનયનની પ્રશંસા પણ થઈ. આ એક પંજાબી ફિલ્મ હતી.

ઝરીનનો જન્મ 14 મે 1987ના રોજ મુંબઇમાં થયો હતો. તેના પિતાએ બે દીકરીઓની જવાબદારી લેવાની ના પાડી દેતાં ઝરીનના પેરેન્ટ્સ અલગ થઇ ગયાં હતાં. કોલેજમાં ઝરીનનું વજન 100 કિલો હતું. ઝરીને ક્યારેય મોડલિંગ કરવાનું નહોતું વિચાર્યું. ડેબ્યૂ ફિલ્મ બાદ અત્યાર સુધીમાં તેના લુકમાં ઘણો ચેન્જ આવ્યો છે.

એક સમયે ઝરીન ખાને મક્કમ નિર્ધાર કર્યો હતો કે તે વજન ઘટાડીને જ રહેશે. સ્વીટ ખાવાનું બંધ કરી દીધું હતું અને પોતાના શરીરને શેપમાં લાવવા માટે ઝરીન જિમ પણ જવા લાગી હતી. જ્યારે અન્ય કોઈ જગ્યાએ કામ કરવાની ઇચ્છા ન થતાં ઝરીનને મોડલિંગ કરવાનો વિચાર આવ્યો હતો. ઝરીને કેટલીક નાની-મોટી જાહેરાતો પણ કરી હતી જેનાથી તે પોતાનું ઘર ચલાવી શકે તેટેલા રૂપિયા મેળવી શકતી હતી. એક વખત ઝરીન ફિલ્મ યુવરાજના સેટ પર હતી. ત્યાં અચાનક જ સલમાન ખાનની નજર એમના પર પડી. સલમાન ખાનને તે પ્રિન્સેસ જેવી લાગી અને તેને પોતાની આગામી ફિલ્મમાં મુખ્ય અભિનેત્રી તરીકે રોલ આપી દીધો.

(4:50 pm IST)
  • શેરબજારમાં આજે મંગલ... મંગલ... : ઇન્ટ્રા ડે સેન્સેકસ ૪પ૦ પોઇન્ટ અને નીફટી ૧૧૩૦૦ : મુંબઇ : આજે શેરબજારમાં હરીયાલીનો માહોલ : ચોતરફ વેચવાલી વચ્ચે ઇન્ટ્રા ડે સેન્સેકસ ૪પ૦ પોઇન્ટ અપ અને નીફટી પણ ૧૧૩૦૦ : બપોરે ર.૪પ કલાકે સેન્સેકસ ૩૬૪ પોઇન્ટ વધીને ૩૭૪પપ અને નીફટી ૧૧૩ પોઇન્ટ વધીને ૧૧ર૬૧ ઉપર છે : ડોલર સામે રૂપિયો ૭૦.૩૩ ઉપર ટ્રેડ કરે છે : આજે જેટ એરવેઝનો શેર ૧ર ટકા તુટયો access_time 3:33 pm IST

  • ચોમાસા પહેલા પ્રિ-મોન્સુન એકશન પ્લાન અંગે આવતીકાલે બેઠકઃ મુખ્ય સચિવના અધ્યક્ષ સ્થાને ગાંધીનગર ખાતે યોજાશે બેઠકઃ એનડીઆરએફ સહિતની ડિફેન્સ એજન્સીઓ, આરોગ્ય સિંચાઇ સહિતના વિભાગોના અધિકારી રહેશે હાજરઃ પુરની પરિસ્થિતને પહોંચી વળવા થશે ચર્ચા access_time 11:22 am IST

  • જન્મ દિવસની ઉજવણીમાં ફોર્મ સ્પ્રે અને સેલોટેપના ઉપયોગ કરવા ઉપર સુરતના પોલીસ કમિશનરે પ્રતિબંધ લગાવ્યો access_time 12:57 am IST