Gujarati News

Gujarati News

News of Wednesday, 14th April 2021

દર્શકોને સતત ચોંકાવવાનું મને ગમશેઃ પરિણિતિ

અભિનેત્રી પરિણિતિ ચોપડા હાલમાં સાતમા આસમાને વિહરી રહી છે. તેની ફિલ્મો ધ ગર્લ ઓન ધ ટ્રેન, સંદિપ ઓૈર પિન્કી ફરાર અને સાઇના એક પછી એક રિલીઝ થઇ અને લોકોને ખુબ ગમતાં તે અત્યંત ખુશ છે. દર્શકોના સારા પ્રતિભાવને કારણે પરિણિતિ તેમનો આભાર માની રહી છે. તેણે કહ્યું હતું કે હું સતત એવા પાત્રો ભજવીશ કે જેનાથી લોકો ચોંકી જાય. સમિક્ષકો અને દર્શકોએ મારા ત્રણેય ફિલ્મના અભિનયને વખાણ્યો છે અને મને આ ફિલ્મોએ મારી પ્રતિભાને વધુને વધુ નિખારવાની તક આપી છે. પરિણિતિ કહે છે આગામી સમયમાં પણ મારી એક પછી એક આવી ફિલ્મો આવતી રહેશે. આ વર્ષની શરૂઆત મારા માટે ખુબ સારી રહી છે. લોકોનો પ્રેમ એ વાતની સાબિતી આપે છે કે કલાકારોએ કમ્ફર્ટ ઝોનની બહાર નીકળવું જોઇએ અને બદલાવ લાવવો જોઇએ. આગામી ફિલ્મોની પસંદગીમાં હું આ બાબતને સોૈથી પહેલા નજરમાં રાખીશ.

(10:08 am IST)
  • રાજકોટ ટ્રાન્સપોર્ટ એસોસીએશન દ્વારા ૩ દિવસ માટે સંપૂર્ણ લોકડાઉન કરવાનો નિર્ણય લેવાયો હોવાનું જાણવા મળે છે. તા. ૧૬ એપ્રિલથી ૧૮ એપ્રિલ ૨૦૨૧ સુધી રાજકોટમાં ૭૦૦ જેટલા ટ્રાન્સપોર્ટના ધંધાર્થીઓ તેનું બુકીંગ તથા ડિલીવરી બંધ રાખશે તેવુ રાજકોટ ટ્રાન્સપોર્ટ એસોસીએશનના પ્રમુખ હસુભાઈ ભગદેએ અકિલાને જણાવ્યુ હતું. વાહન વ્યવહાર ચાલુ રાખવામાં આવશે કે જેથી લોકોને જીવન - જરૂરીયાત વસ્તુઓની તંગી મહેસુસ ન થાય. ટ્રાન્સપોર્ટમાં આવેલ લોકોની જીવન જરૂરીયાતની વસ્તુઓની ડિલીવરી પણ સમયસર કરી આપવામાં આવશે તેવું પણ જણાવાયુ છે. access_time 12:35 pm IST

  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST

  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST