Gujarati News

Gujarati News

News of Wednesday, 14th February 2018

સુશાંતના વખાણ કર્યા અભિષેકે

જાણીતા નિર્દેશક અભિષેક કપૂર આગામી ફિલ્મ 'કેદારનાથ'ના કામમાં વ્યસ્ત છે. આ ફિલ્મમાં સુશાંતસિંહ રાજપૂત અને સારા અલી ખાન મુખ્ય રોલમાં છે. સારાની આ પહેલી જ ફિલ્મ છે. ડિરેકટર અભિષેકે સુશાંતના ભરપુર વખાણ કરતાં કહ્યું હતું કે   હું જે પ્રકારની ફિલ્મો લખુ છું અને જે પ્રકારના પાત્રો પરદા પર રજૂ કરુ છું તેને નિભાવવા ઘણા મુશ્કેલ હોય છે. જો કે આ મામલે સુશાંતને કોઇ મુશ્કેલી નડી નથી. અમારી વચ્ચે કામ બાબતે ખુબ વાતચીત થતી હતી. એકટર તરીકે તેના મનમાં કોઇપણ સવાલ હોય તે તરત જ મને પુછતો હતો. અભિષેકે કહ્યું હતું કે હું ખુદ શિવજીનો મોટો ભકત છું. કેદારનાથ ફિલ્મમાં લવસ્ટોરી ઉપરાંત ઉત્તરાખંડમાં આવેલા વિનાશક પુરની કહાની પણ છે. જેમાં કેટલકી દર્દનાક અને અનોખી કહાની હશે.

(9:45 am IST)
  • ગાંધીનગરમાં આજે રાજ્ય સરકારની કેબિનેટ બેઠક યોજાઈ હતી. મુખ્યમંત્રી વિજય રૂપાણીની અધ્યક્ષતામાં યોજાયેલી બેઠકમાં જળસંકટ, આગામી બજેટ સત્ર ઉપરાંત વર્તમાન પરિસ્થિતિ સહિતના મુદ્દે ચર્ચા થઈ હતી. સાથે જ કેનેડાના પીએમ આગામી અઠવાડિયે ગુજરાત આવવાના હોઈ તે મુદ્દે પણ ચર્ચા થઈ હોવાનું જાણવા મળે છે. access_time 3:33 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી. access_time 1:27 am IST

  • અમેરિકાના ફ્લોરીડામાં પાર્કલેન્ડની સ્ટોનમેન ડગલસ હાઇસ્કુલની અંદર ચાલી રહ્યું છે અંધાધુંધ ફાયરીંગ : પોલીસે સમગ્ર વિસ્તારમાં કરી નાકાબંદી : સંખ્યાબંધ હતાહ્તની સેવાય રહેલી શંકા : FBI પહોચી ઘટના સ્થળે : ગોળીબાર કરનાર કોણ છે એ હજુ જાણી શકાયું નથી : સંકુલમાં લગભગ ૩૦૦૦ વિદ્યાર્થી હોવાનું સંભવ : વિદ્યાર્થીઓને સુરક્ષિત સંકુલની બહાર ખસેડાય રહ્યા છે : આતંકી માર્યો ગયો છે કે નહી એ હજુ જાની શકાયું નથી access_time 2:03 am IST