Gujarati News

Gujarati News

News of Thursday, 13th June 2019

'કહાં હમ, કહાં તુમ'ના એકટર્સ સાથે મુલાકાત કરશે રીયલ લાઈફ ડોકટર્સઙ્ગ

મુંબઇ તા. ૧૪: સ્ટાર પ્લસ પર ટૂંક સમયમાં નવો શો કહાં હમ કહાં તુમ શરૂ થવા જઈ રહ્યો છે. ત્યારે આ શોને પ્રમોટ કરવા માટે સ્ટાર પ્લસે ખાસ આયોજન કર્યું છે. ડોકટર અને એકટરની લવ સ્ટોરી ધરાવતા આ ડેયલી સોપને પ્રમોટ કરવા માટે રિયલમાં પણ ડોકટર્સની મદદ લેવાઈ છે. મળતી માહિતી પ્રમાણે આ સિરીયલના સ્ટાર્સ દીપિકા કક્કડ અને કરણ ગ્રોવરની સાથે સાથે ડોકટર્સની એક ટીમ પણ શોનું પ્રમોશન કરશે.

મુંબઈમાં આ શોના પ્રમોશન માટે એક ખાસ ઈવેન્ટનું આયોજન કરવામાં આવ્યું છે. જેમાં ટેલીવિઝનના એકટર્સની સાથે મુંબઈના જાણીતા ડોકટર્સ ભેગા થઈને કહાં હમ કહાં તુમનું પ્રમોશન કરશે. આ કાર્યક્રમમાં અદા ખાન, રશ્મી દેસાઈ, તનાઝ કુર્રિમ, અલીશા પવાર હાજર રહેશે, તો મુંબઈના ટોચના સર્જન અમનદીપ ગુજરાલ, વિરલ દેસાઈ હાજર રહેશે.

આ શોમાં બે જુદી-જુદી પરિસ્થિતિમાં જીવતા બે પાત્રોની વાર્તા છે, જે પોતાના વ્યસ્ત શેડ્યૂલની સાથે બે અલગ-અલગ વ્યવસાયો ધરાવે છે. એક પાત્ર એકટ્રેસ છે અને બીજું પાત્ર ડોકટર છે. ટેલીવિઝનના ઈતિહાસમાં પહેલી વખત બે જુદા જુદા ક્ષેત્રના દિગ્ગજો એક જ જગ્યાએ ભેગા થઈને કોઈ શોનું પ્રમોશન કરી રહ્યા છે. ઉલ્લેખનીય છે કે 'કહાં હમ કહાં તુમ' શો માધુરી દીક્ષીતની લવ સ્ટોરી પર આધારિત હોવાની પણ ચર્ચા છે. (૧૪.૫)

(10:25 am IST)
  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • કોણ બનશે ભાજપના અધ્યક્ષ ? પક્ષના નેતાઓ સાથે અમિતભાઇ શાહની બેઠક શરૃઃ કેન્દ્રીય ગૃહમંત્રી અને બીજેપી અધ્યક્ષ અમિતભાઇ શાહ આજે પક્ષના રાજય એકમોની સાથે બેઠક કરીને પક્ષમાં થનારા સંગઠનની ચૂંટણી પર મંથન કરશેઃ આ બેઠકમાં દરેક રાજયોના પ્રમુખ, મહામંત્રી અને રાજય પ્રભારી સામેલ થયા access_time 3:20 pm IST

  • જેતપુરમાં આખો દિવસ વાદળછાંયુ વાતાવરણ રહ્યા બાદ સાંજના સમયે ધીમીધારે વરસાદ access_time 4:29 pm IST