Gujarati News

Gujarati News

News of Thursday, 13th June 2019

ઇન્દૂ કી જવાની...ખુબ જ આકર્ષક અને રમુજી ટાઇટલ છેઃ કિયારા

અભિનેત્રી કિયારા અડવાણી યુથ કોમેડી ફિલ્મ 'ઇન્દૂ કી જવાની'માં મુખ્ય લિડ રોલ નિભાવી રહી છે. આ ફિલ્મની કહાની કિયારાના પાત્રની આસપાસ ઘુમતી રહે છે. ઇન્દૂ કી જવાની માટે કિયારા ખુબ જ ઉત્સાહિત છે. કારણ કે આ ફિલ્મની કહાનીના કેન્દ્રમાં તેનું મુખ્ય પાત્ર છે. ફિલ્મના નામ બાબતે કંગના રનોૈતની બહેન રંગોલી ચંદેલે સોશિયલ મિડીયા પર નારાજગી દર્શાવી હતી. તેણે લખ્યું હતું કે કોઇ ફિલ્મનું નામ ઇન્દૂ કી જવાની કઇ રીતે હોઇ શકે? એક તરફ મહિલાઓના પાવરની વાત કરીએ અને બીજી તરફ તેને એક રમકડાની જેમ કઇ રીતે રજૂ કરી શકાય? આના જવાબમાં કિયારાએ લખ્યું છે કે મને નથી લાગતું કે આ ફિલ્મ થકી અમે કોઇ ખોટી બાબતનું સમર્થન કરીએ છીએ. સ્ટોરી જાણવા માટે પહેલા ફિલ્મ જોવી જરૂરી છે. આ માત્ર ટાઇટલ છે, જે આકર્ષક અને રમુજી છે. ફિલ્મનું નિર્દેશન અબીર સેનગુપ્તા કરી રહ્યા છે. નિખીલ અડવાણી સહનિર્માતા છે.

(10:24 am IST)
  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • 'વાયુ' વાવાઝોડુ ઓમાન તરફ ફંટાયુ છે જે સતત હવે પશ્ચિમ દિશામાં ગતિ કરે તેવી હાલના અનુમાનો મુજબ શકયતાઓ દેખાઈ રહી છે : હવે સૌરાષ્ટ્રના દરિયાકાંઠાના અમુક વિસ્તારોમાં ભારે વરસાદ પડવાની સંભાવના છે જયારે અમુક વિસ્તારોમાં હળવાથી મધ્યમ પડશે. access_time 11:36 am IST

  • પોરબંદર જિલ્લામાંથી 38551 લોકોનું સ્થળાંતર :વાયુ વાવાઝોડાને પગલે પોરંબદર દરિયા કાંઠાના વિસ્તારમાંથી 38 ,551 લોકોનું સ્થળાંતર કરાયું છે :સાવચેતીના પગલાં રૂપે પોરબંદર સહીત જિલ્લાના રાણાવાવ કુતિયાણા સહિતના સ્થળેથી સ્થળાંતર access_time 10:45 pm IST