Gujarati News

મુંબઈ: દિગ્ગજ અભિનેત્રી શબાના આઝમીને સ્વાઇન ફ્લૂ થયો છે. ખાંસી અને શરદી થવા પર તપાસ દરમિયાન શબાનાને સ્વાઇન ફ્લૂ થયો હોવાની પુષ્ટિ થઇ હતી. તેઓ અત્યારે હૉસ્પિટલમાં સારવાર હેઠળ છે. શબાના આ ખાલી સમયનો ઉપયોગ કરી રહી છે. શબાનાનું કહેવું છે કે મને ઘણી મુશ્કેલીથી આત્મનિરીક્ષણની તક મળી છે. તેથી આ મારા માટે બ્રેકની જેવું છે. તેમણે કહ્યું કે હું હૉસ્પિટલમાં ભરતી છું અને મારા સ્વાસ્થ્યમાં ઝડપથી સુધારો થઇ રહ્યો છે.ઉલ્લેખનીય છે કે દેશમાં સ્વાઇન ફ્લૂનો પ્રકોપ ઓછો નથી થઇ રહ્યો. આ બીમારીનાં કારણે ગત અઠવાડિયે 86 લોકોનાં મોત થયા હતા. દેશમાં એચ1એન1 સંક્રમણથી મરનારાઓની સંખ્યા વધીને 312 થઈ ગઈ છે. આ ઉપરાંત 9 હજારથી વધારે લોકો આ બીમારીથી પીડાઇ રહ્યા છે. કેન્દ્રીય સ્વાસ્થ્ય મંત્રાલયનાં આંકડાઓ પ્રમાણે અત્યાર સુધી એચ1એન1 સંક્રમણથી 9,000થી વધારે લોકો આ બીમારીથી પ્રભાવિત છે. આ લિસ્ટમાં રાજસ્થાન ટૉપ પર છે. રાજસ્થાનમાં સ્વાઇન ફ્લૂનાં સૌથી વધારે કેસ સામે આવ્યા છે. રવિવાર સુધી દેશમાં 9,367 લોકોને સ્વાઇન ફ્લૂ થયો હોવાનું સામે આવ્યું છે.