Gujarati News

મુંબઇ:  મોખરાના ફિલ્મ સર્જક બોની કપૂર ઇજિપ્શિયન ફિલ્મ સૃષ્ટિના ઇતિહાસમાં સૌથી વધુ કમાણી કરનારી ફિલ્મ હેપ્તાઃ ધ લાસ્ટ લેક્ચરના રાઇટ્સ ખરીદી લીધા હતા અને એના પરથી હિન્દી ફિલ્મ બનાવશે. મુહમ્મદ સાદિકે લખેલી આ જ ટાઇટલ ધરાવતી નવલકથા પણ બેસ્ટ સેલર સાબિત થઇ હતી અને એના પરથી ઇજિપ્શિયન ભાષામાં બનેલી ફિલ્મે આવકના તમામ રેકોર્ડ તોડી નાખ્યા હતા.હવે બોની કપૂર આ ફિલ્મ પરથી હિન્દીમાં ફિલ્મ બનાવવા થનગની રહ્યા હોવાની માહિતી મળી હતી. તેમણે ઓરિજિનલ ઇજિપ્શિયન ફિલ્મના રાઇટ્સ ખરીદી લીધા હતા.આ ફિલ્મની કથા પ્રેમના વિવિવ તબક્કાને આવરી લેતી વાત રજૂ કરે છે. આ ઉપરાંત બોની કપૂરે હિટ તમિળ ફિલ્મ એકે ૫૯ પરથી હિન્દી રિમેક બનાવવાનો નિર્ણય પણ જાહેર કર્યો હતો. ઓરિજિનલમાં તમિળ સુપર સ્ટાર અજિત ચમક્યો હતો.