Gujarati News

સોની ટીવી પર દર્શાવવામાં આવી રહેલી  અને ચાહકોમાં પસંદ થયેલી સિરિયલ 'પટિયાલા બેબ્સ'માં મિનીનો રોલ નિભાવી રહેલી અભિનેત્રી અશનૂર કોૈર ઘર-ઘરમાં જાણીતી બની ગઇ છે. આ શોને કારણે તેને ખુબ ફાયદો થયો છે. તેને હવે ધડાધડ વેબ સિરીઝની ઓફર આવી રહી છે. જો કે મિની એટલે કે અશનૂરને હાલમાં તો માત્ર રાજી જ થવાનું રહે છે, કેમ કે તે આ સિરીયલ સિવાય બીજુ કોઇ કામ હાથ પર લઇ શકે તેમ નથી. ટીવી શો પટિયાલા બેબ્સમાં એક ટ્રેકમાં તેના માતા-પિતાને મૃત્યુ થયેલા દર્શાવાયા છે. આ પછી સમગ્ર સિરીયલ મિની આધારીત બની ગઇ છે. આ કારણે ચેનલ અને નિર્માતા હાઉસે મિનીને બીજુ કોઇ કામ હાથ પર લેવાની સ્પષ્ટ ના પાડી છે. આમ મિનીના હાથ બંધાઇ ગયા છે, તે મજબૂર થઇ ગઇ છે. તેણે છેલ્લા એક-દોઢ મહિનામાં જ એક-બે નહિ પણ પાંચ વેબ સિરીઝ માટે પોતાને મળેલા કામની ના કહેવી પડી છે. જો કે અમુક નિર્માતા-નિર્દેશક મિની તેના ટીવી શોમાંથી ફ્રી થાય તેની રાહ જોવા પણ તૈયાર છે. બે સિરીઝ એવી છે જે કોલેજ અને સ્ટુડન્ટ્સની લાઇફ પર આધારીત છે. આ પાત્રો માટે અશનૂર યોગ્ય છે.