Gujarati News

બોલીવૂડની ખુબસૂરત અભિનેત્રી શિલ્પા શેટ્ટી લાંબા સમય પછી ફિલ્મી પરદે પાછી આવી રહી છે. તેણે હંગામા-૨નું શુટીંગ શરૂ કરી દીધું છે. આ ફિલ્મમાં તે પરેશ રાવલ, જાવેદ જાફરીના પુત્ર મિજાન જાફરી અને પ્રનિતા સુભાષ સાથે મુખ્ય રોલમાં જોવા મળવાની છે. આ ફિલ્મનું શુટીંગ શરૂ થઇ જતાં શિલ્પા ખુબ જ ઉત્સાહિત છે. તેણે ફિલ્મના સેટ પરથી એક વિડીયો પોતાના સોશિયલ મિડિયા એકાઉન્ટ પર પોસ્ટ કર્યો હતો. આ વિડીયોમાં તે ફિલ્મની વાત કરતી જોવા મળી રહી છે. તે કહે છે નવી હેર સ્ટાઇલ, નવી ફિલ્મ, નવું વર્ષ અને આજે સેટ પર મારો પહેલો દિવસ...હંગામા-૨નું શુટીંગ શરૂ કરવા જઇ રહી છું. મારા ફેવરિટ ડાયરેકટર સાથે પહેલી જ વખત કામ કરવાની તક મળી છે. ખુબ હંગામો કરીશું. વિડીયોમાં શિલ્પા ખુબ જ ખુશખુશાલ દેખાઇ રહી છે. તેણે ચાહકોના સહકારની જરૂર છે તેવી અપિલ પણ કરી હતી. અગાઉ હંગામા-૨નું પોસ્ટર રિલીઝ થઇ ગયું છે. ૨૦૦૩માં આવેલી હંગામામાં અક્ષય ખન્ના, પરેશ રાવલ, આફતાબ શિવદાસાની અને રીમી સેન સહિતના કલાકારો હતાં. પ્રિયદર્શનની હંગામા-૨ ઓગષ્ટ મહિનાની ૧૪મી તારીખે આવશે.