Gujarati News

Gujarati News

News of Sunday, 13th January 2019

શું કોઈ મહિલા પરણ્યા પછી માતા બને કે પ્રૌઢ બને એટલે શું એ પ્રેમ કરતી અટકી જાય છે ? :પૂજા ભટ્ટ

ફિલ્મોમાં પ્રૌઢ મહિલાને પ્રેમ કરતી કેમ દેખાડતાં નથી ?

મુંબઈ :અભિનેત્રી-ફિલ્મ સર્જક પૂજા ભટ્ટે કહ્યું હતું કે કોઇ મહિલા પરણ્યા પછી બે બાળકોની માતા બને કે પ્રૌઢ બને એટલે શું પ્રેમ કરતી અટકી જાય છે ? નહીં ને, તો પછી ફિલ્મોમાં પ્રૌઢ મહિલાને પ્રેમ કરતી કેમ દેખાડતાં નથી ?  પૂજા ભટ્ટે કહ્યું કે 'આપણાં સ્ક્રીપ્ટ રાઇટર્સે પોતાનો અભિગમ બદલવાની જરૃર છે. હોલિવૂડન ફિલ્મોમાં વૃદ્ધ અભિનેત્રીને પણ પ્રેમ કરતી દેખાડતાં ફિલ્મ સર્જકો અચકાતા નથી.

   પૂજા ભટ્ટે કહ્યું કે ઉંમર વધવાને પ્રેમ કરવા સાથે કશો સંબંધ નથી. આપણી ફિલ્મોમાં માત્ર યુવા હીરોઇનોને પ્રેમ કરતી દેખાડાય છે. શું પ્રૌઢ થાય એટલે મહિલાઓ પ્રેમ કરતી અટકી જાય છે ?' એવો સવાલ પૂજાએ પૂછ્યો હતો

   . લગભગ અઢાર વર્ષ પછી ફરી એકવાર કેમેેરા સામે આવનારી પૂજા સડક ટુ બનાવવાની છે. એનું નિર્દેશન મૂળ સડકનંુ નિર્દેશન કરનારા એના પિતા સિનિયર ફિલ્મ સર્જક મહેશ ભટ્ટ પોતે કરવાના છે. મૂળ સડકમાં સંજય દત્ત અને પૂજા ભટ્ટ ચમક્યાં હતાં. એમાં ટેક્સી ડ્રાઇવર એક વેશ્યાના પ્રેમમાં પડે છે એવી કથા હતી.

  પૂજાએ કહ્યું કે જીવનમાં એકવાર અભિનય કરનાર વ્યક્તિ પછી સદાને માટે અદાકાર બની જાય છે. મારે તો એસ્ટ્રોનોટ કે આર્કિટેક્ટ બનવું હતું પરંતુ મારા પિતા ફિલ્મ સૃષ્ટિમાં હતા એટલે હું પણ અનાયાસે આ ક્ષેત્રમાં આવી ગઇ. સડકની રિમેક ઉપરાંત પૂજા નામની પણ રિમેક બનાવવા ઉત્સુક છે. જો કે સડક ટુમાં યુવાન કલાકારો મુખ્ય રોલ કરશે.

 મહેશ ભટ્ટ સડક ટુમાં પોતાની બીજી પુત્રી આલિયા ભટ્ટને ચમકાવવા માગે છે. જો કે હાલ આલિયા પોતાના પિતાનેજ તારીખો ફાળવી શકે એમ નથી.

(8:35 pm IST)
  • કેન્દ્રીયમંત્રી નીતિન ગડકરીએ સાહિત્ય સંમેલનમાં કહ્યું ,નેતાઓએ બીજા ક્ષેત્રોમાં દખલગીરી કરવી જોઈએ નહીં :અત્રે ઉલ્લેખનીય છે કે આ સંમેલન લેખિકા નયનતારા સહગલને અપાયેલા નિમંત્રણ પાછું લેવાના કારણે વિવાદમાં સપડાયું છે :ગડકરીએ આ વિવાદ અંગે સીધો ઉલ્લેખ કર્યા વગર કહ્યું કે નેતાઓએ અન્ય ક્ષેત્રોમાં દાખલ ના કરવી જોઈએ access_time 1:38 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST

  • દિલ્હીના મુખ્યમંત્રી કેજરીવાલની પુત્રીનું અપહરણ કરવાની ધમકી :સીએમઓ ઓફિસમાં ધમકીભર્યો ઈમેલ મળતા દિલ્હી પોલીસમાં ફરિયાદ :પોલીસે કેજરીવાલની પુત્રીની સુરક્ષા વધારી :મામલાની તપાસ સાઇબર સેલની સોંપી :ધમકીભર્યા ત્રણ ઈમેલ સીએમની સત્તાવાર ઈમેલ આઈડીમાં આવ્યા જેમાં બે ઇમેલમાં અપહરણ કરવાની ધમકી આપી access_time 12:47 am IST