Gujarati News

Gujarati News

News of Saturday, 13th January 2018

ટીઆરપીમાં બાજી મારી 'તારક મહેતાના ઉલ્ટા ચશ્મા'

મુંબઈ:નવા વર્ષના પ્રથમ સપ્તાહની ટીવી રેટીંગ જાહેર કરાઈ છે. જેમાં ભારે ઉથલપાથલ જોવા મળી છે. આ વખતે સાસ-વહુના પરંપરાગત શોને પાછળ છોડી કોમેડી શો લિસ્ટમાં આગળ રહ્યો છે. ફીનાલે તરફ આગળ વધી રહેલ બહુચર્ચિત ટીવી શો બિગબોસ ટોપ-૧૦માં જગ્યા બનાવવામાં નિષ્ફળ રહ્યો છે. 
નવી રેટીંગમાં તમામ શોને પછાડી સબ ટીવીનો તારક મહેતા કા ઉલ્ટા ચશ્મા ટોપ પર પહોંચી ગયો છે. જ્યારે ઝી ટીવીનો શો કુંડલી ભાગ્ય બીજા અને કુમકુમ ભાગ્ય ત્રીજા ક્રમે રહ્યુ છે. ડાંસ રીયાલીટી શો સુપર ડાંસર-૨ આ લિસ્ટમાં ચોથા ક્રમાંકે રહ્યો છે. 
આ વખતે કોમેડી શો ટીઆરપીમાં છવાયા છે, તેનુ ઉદાહરણ સ્ટાર ભારતનો ટીવી શો ક્યા હાલ મિસ્ટર પંચાલ છે, જે ટીઆરપી રેકીંગમાં પાંચમાં ક્રમાંકે છે. જોકે બહુચર્ચિત બિગ બોસ ૧૧ને વધુ એક વખત ટોપ-૧૦માં સ્થાન મળ્યુ નથી. જ્યારે યે રીશ્તા ક્યા કહેલાતા હૈ છઠ્ઠા ક્રમે છે, તો શક્તિ ઃ અસ્તિત્વ કે અહેસાસ કી સાતમા અને તેરે નાલ ઇશ્ક હો ગયા ૮માં ક્રમાંકે છે. તો ઈશ્ક મેં મરજાવા નવમાં ક્રમાંકે રહ્યો છે, જ્યારે કુમકુમ ભાગ્યનુ રીપીટ ટેલિકાસ્ટ ૧૦માં ક્રમે છે.

(5:34 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • કર્ણાટકના ઉદ્યોગમંત્રીએ બેંગલુરુને દેશની બીજી રાજધાની બનાવવાની માગણી કરી access_time 11:57 am IST

  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST