Gujarati News

Gujarati News

News of Saturday, 13th January 2018

ફરી એકવાર જોન અબ્રાહમની 'પરમાણુ' રિલીઝ ડેટ ટળી

મુંબઈ:છેલ્લા ઘણા સમયથી બોલીવુડ અભિનેતા જોન અબ્રાહમની કોઈ ફિલ્મ આવી નથી. ત્યારે તેની આગામી ફિલ્મ પરમાણુને લઈ દર્શકો ખૂબ જ ઉત્સાહિત છે. જોકે, હજી પણ દર્શકોએ જોનની આ ફિલ્મ માટે વધુ સમયની રાહ જોવી પડશે. જાણે કે તેની આ ફિલ્મ પર રીલીઝનુ ગ્રહણ લાગ્યુ હોય તેમ છે. 
અન્ય ફિલ્મો સાથેની ડેટ ક્લેશના કારણે ત્રીજી વખત જોનની પરમાણુની રીલીઝમાં ફેરફાર કરવાની ફરજ પડી છે. પહેલાની તારીખ મુજબ આ ફિલ્મ ૨૩ ફેબ્રુઆરીએ રીલીઝ થવાની હતી. સુત્રોના જણાવ્યા મુજબ, રાની મુખર્જીની ફિલ્મ હિચકી અને સોનાક્ષીની ાફિલ્મ બૂમ-બૂમ ઈન ન્યૂ યોર્કના કારણે જોને પોતાની ફિલ્મની રીલીઝ ડેટ પાછી ઠેલી દીધી છે. જોનની ફિલ્મ પોખરણની વાર્તા પર આધારીત છે. પોખરણમાં ભારતે પરમાણુ પરીક્ષણ કર્યુ હતું. જે સમયની વાર્તા પર આ ફિલ્મ આધારીત છે. ફિલ્મનુ ડાયરેક્શન અભિષેક શર્માએ કર્યુ છે. જ્યારે ફિલ્મમાં જોન અબ્રાહમ ઉપરાંત અભિનેત્રી ડાયના પેન્ટી પણ મુખ્ય ભૂમિકામાં નજરે પડશે. પહેલા આ ફિલ્મ ૮ ડિસેમ્બર ૨૦૧૭ના રોજ રીલીઝ થવાની હતી. જોકે તે સમયે ભણસાલીની ફિલ્મ પદ્માવત રીલીઝ થવાની વાત ચાલી રહી હતી, જેથી જોને પોતાની ફિલ્મની રીલીઝ પાછી ઠેલી હતી. 

(5:28 pm IST)
  • બનાસકાંઠાઃ ૫૪ લાખનો દારૂ ઝડપાવાના મામલે પી.આઇ.ની બદલીઃ જીલ્લા પોલીસ અધિકારી દ્વારા કરાઇ કાર્યવાહી access_time 2:44 pm IST

  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 9:07 am IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST