Gujarati News

Gujarati News

News of Tuesday, 12th November 2019

મને લોકો બહાદુર કહી રહ્યા છેઃ ભૂમિ

ભૂમિ પેડનેકરે કારકિર્દીની શરૂઆતમાં જ પડકારરૂપ પાત્ર ભજવ્યું હતું. એ પછી પણ તે એક એકથી ચડીયાતા રોલ નિભાવી રહી છે. તાજેતરમાં રિલીઝ થયેલી તેની ફિલ્મ બાલામાં તેણે શ્યામ વર્ણની છોકરીનો રોલ નિભાવ્યો છે. તેના આ પાત્ર ભજવવાના નિર્ણયને કારણે બધા તેને બહાદુર કહી રહ્યા છે. આયુષ્માન ખુરાના સાથેની તેની આ ફિલ્મ લોકોને ખુબ ગમી રહી છે.  ભૂમિએ કહ્યું હતું કે આ પાત્ર ભજવીને મેં સાહસનું કામ કર્યુ છે. જોકે હું તેમને કહું છું કે એક કલાકાર તરીકે મેં એ પાત્રનો સ્વીકાર કર્યો છે. કલાકારને પાત્રમાં ઓતપ્રોત થવુ પડે છે અને એ પાત્રને ફિલ્મમાં જીવંત કરવુ પડે છે એ જ અગત્યનું છે. હું હંમેશાં એ વાતની ચિંતા નથી કરતી કે પરદા પર હું કેવી દેખાઉ છું, કારણ કે એમ કરીને હું એ ફિલ્મનાં વિઝન અને એ પાત્ર જેને મેં સ્વેચ્છાએ ભજવવાનું પસંદ કર્યુ હતું. બાલાની સ્ક્રિપ્ટ વાંચતા જ હું આકર્ષિત થઇ ગઇ હતી.  હું એ વાત માત્રથી જ આકર્ષિત થઈ હતી કે મારું મુખ્ય પાત્રને વાચા આપવાનું કારણ બનશે અને પરિવર્તન લાવવા માટેનું મુખ્ય સ્ત્રોત પણ બનશે. હું તરત જ એ સોશ્યલ મેસેજ સાથે જોડાઈ ગઈ જે અમારી ફિલ્મ લોકોને આપવા માગતી હતી. ભૂમિએ આ અગાઉ આયુષ્માન ખુરાના સાથે દમ લગા કે હઈશાઅને શુભ મંગલ સાવધાનમાં પણ કામ કર્યું હતું.

(10:04 am IST)