Gujarati News

Gujarati News

News of Friday, 12th October 2018

કસરતના સાધનોની બ્રાન્ડ લોન્ચ કરશે સલમાન ખાન

મુંબઇ : સુપર સ્ટાર સલમાન ખાન ટૂંક સમયમાં કસરતનાં સાધનોની પોતાની આગવી બ્રાન્ડ લોંચ કરશે એવી જાણકારી મળી હતી. અત્યાર અગાઉ વસ્ત્રો, ઝવેરાત અને સાઇકલની બ્રાન્ડ સ્થાપી ચૂક્યો છે.હાલ અલી અબ્બાસ ઝફરની ભારત ફિલ્મ કરી રહેલો સલમાન ખાન પેાતે પણ વ્યાયામનો બંધાણી છે એમ કહી શકાય. મુંબઇમાં પોતાના ઘરે હોય કે વિદેશમાં લોકેશન શૂટિંગમાં  બીઝી હોય, વર્ક આઉટ કરવાનું ચૂકતો નથી. એના ઘરની નજીક એની પોતાની વિશિષ્ટ જીમ છે અને ત્યાં રોજ દોઢ બે કલાક વર્ક આઉટ કરતો હોય છે. જોધપુરની જેલમાં હતો ત્યારે પણ એણએ વર્ક આઉટ કર્યું હતું જેની પોલીસ તંત્રે પણ નોંધ લીધી હતીઉપરાંત જેવો અને જ્યાં ફી થાય કે તરત સાઇક્લીંગ કરવા માંડે છે. પોતાની ફિટનેસ બાબતમાં ખૂબ સભાન છે. સાથી કલાકારોને પણ સતત વર્ક આઉટ કરવા પ્રેરતો રહ્યો છે.આજના ટીનેજર્સમાં વ્યાયામ પ્રત્યે આકર્ષણ પ્રગટાવવાના પોતાના પ્રયાસ રૃપે એણે જિમ ઇક્વીપમેન્ટની પોતાની આગવી બ્રાન્ડ શરૃ કરવાનો નિર્ણય કર્યો હતો એમ એની નિકટનાં સાધનોએ કહ્યું હતું. માટે એણે ભારતીય કંપની જેરાઇ ફિટનેસનાં ૧૦૦ ટકા રાઇટ્સ ખરીદી લીધાં હતાં એમ સૂત્રે કહ્યું હતું.

(5:13 pm IST)
  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • જૂનાગઢ-બાટવા નજીકથી 520 પેટી વિદેશી દારુ ઝડપાયો:રુપીયા 20 લાખનો વિદેશી દારુ અને 9 લાખના ટ્રક સાથે 2 શખ્શની ધરપકડ access_time 5:41 pm IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST