Gujarati News

મુંબઈ:  સિદ્ધાર્થ આનંદે  એક મહત્ત્વની  ફિલ્મ અંગે ઘટસ્ફોટ કર્યો છે એણે કહ્યું કે એ હોલીવૂડમાં ૧૯૮૨માં   રિલીઝ થયેલી કલાસિક રેમ્બોની હિન્દી રિમેક બનાવવા જઈ રહ્યો છે. એણે કહ્યું કે રીમેકનું શીર્ષક રેમ્બો જ હશે અને આગામી માર્ચ મહિનામાં  ફિલ્મ ફલોર પર જશે.ટાઈગર શ્રોફ ફિલ્મનો હીરો હશે અને જે દિવસે શૂટિંગનો પ્રારંભ થશે ત્યારે ટાઈગર પીઢ એક્શન સ્ટાર સિલ્વેસ્ટર સ્ટેલોનના પેંગડામાં પગ  મૂકશે.  સ્ક્રિપ્ટ પ્રવર્તમાન ભારતના સંજોગોને  અનુરૂપ હશે.મૂળ રેમ્બો ફિલ્મમાં સિલ્વેસ્ટર સ્ટેલોને અમેરિકાના  લશ્કરના બહાદુર અધિકારો જ્હોન   રેમ્બોની ભૂમિકા ભજવી હતી. જે વિયેટનામ યુદ્ધના મોરચે અમેરિકા તરફથી લડયો હતો.