Gujarati News

મુંબઇ : સલમાન ખાને તેની એકસ ગર્લફ્રેન્ડ સંગીતા બિજલાની માટે તેના ઘરે ગેલેકસી અપાર્ટમેન્ટમાં બર્થ-ડે પાર્ટી યોજી હતી. ૯ જુલાઇએ સંગીતાનો બર્થ-ડે હતો. આ પાર્ટીમાં સલમાનની કહેવાતી ગર્લફ્રેન્ડ યુલિયા વેન્ટુર પણ હાજર હતી. સલમાને પાર્ટીમાં ભરપુર ધમાલ મસ્તી કરી હતી. સલમાન અને સંગીતાનાં રિલેશનની ચર્ચા ખૂબ ચગી હતી. તેમનાં બ્રેક-અપ બાદ સંગીતાએ ક્રિકેટર મોહમ્મદ અઝહરૂદીન સાથે ૧૯૯૬ માં લગ્ન કર્યા હતાં. જો કે ર૦૧૦ માં તેમનાં ડિવોર્સ થઇ ગયા હતાં. સલમાન અને સંગીતાનાં પાર્ટીનાં ફોટો સોશ્યલ મીડિયામાં છવાઇ ગયા છે. ફોટોમાં સલમાન ખાન, સંગીતા બિજલાની, યુલિયા વેન્ટુર, સાજિદ નડિયાદવાલા, મોહનીશ બહલ અને તેની વાઇફ આરતી બહલ જોવા મળી રહ્યાં છે.