Gujarati News

Gujarati News

News of Friday, 12th July 2019

ગરિબ બાળકોને આઇઆઇટી માટે મફત શિક્ષણ આપનારા

આનંદ કુમારની બાયોપિક 'સુપર-૩૦' આજથી રિલીઝઃ રિતીક રોશનનો મુખ્ય રોલ

આજથી વધુ એક બાયોપિક રિલીઝ થઇ છે. ભારતના પ્રતિભાશાળીગણિતજ્ઞ આનંદ કુમારના જીવન પરથી બનેલી ફિલ્મ 'સુપર ૩૦' આજથી રિલીઝ થઇ છે. નિર્માતા નડિયાદવાલા ગ્રાન્ડસન એન્ટરટેઇનમેન્ટ, ફેન્ટમ ફિલ્મ્સ અને રિલાયન્સ ફિલ્મ તથા નિર્દેશક વિકાસ બહેલની આ ફિલ્મમાં સંગીત અજય-અતુલનું છે.

રિતીક રોશન, મૃણાલ ઠાકુર, પંકજ ત્રિપાઠી, નંદિશ સિંહ અને અમિત સાધની ફિલ્મમાં મુખ્ય ભૂમિકા છે. બોલીવૂડમાં અલગ-અલગ લોકોના જીવન પરથી બની રહેલી ફિલ્મોને પસંદ કરવામાં આવી રહી છે. આ એવી જ એક ફિલ્મ છે. ભારતના બિહાર રાજ્યમાં આનંદ કુમાર ખુબ જ ગરીબ પરિવારમાં જન્મ્યા હતાં. તેણે જોયું કે ગરીબ પરિવારના પ્રતિભાશાળી બાળકો ભારતીય પ્રોદ્યોગિક સંસ્થા (આઇઆઇટી)ની પ્રવેશ પરિક્ષા પાસ કરી શકતાં નથી, કારણ કે તેની પાસે ટ્યુશન ફી ચુકવવાના પૈસા નથી. એ પછી આનંદે સુપર-૩૦ નામની સંસ્થા ખોલી તેમાં ગરીબ પરિવારના બાળકોને વિનામુલ્યે શિક્ષણ આપવાનું શરૂ કર્યુ હતું. આગળ જતાં આનંદકુમાર દ્વારા ભણાવવામાં આવેલા છાત્રોની આઇઆઇટીમાં પસંદગી થવા માંડે છે અને તેને પ્રસિધ્ધી મળવા માંડે છે. આ ફિલ્મ આનંદના જીવનના સંઘર્ષ અને તેની સુપર-૩૦ સંસ્થાની સ્થાપના માટે આનંદને અનેક પડકારોનો સામનો કરવો પડ્યો હતો. તેની આ પ્રેરણાદાયી કહાની ફિલ્મમાં જોવા મળશે.

(10:13 am IST)
  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST