Gujarati News

Gujarati News

News of Friday, 12th July 2019

આવતા વર્ષે અક્ષયની ઇચ્છા થશે પુરી

અક્ષય કુમારની ફિલ્મ રાઉડી રાઠોડ બધા દર્શકોને ગમી હતી. ૨૦૧૨માં આવેલી  ફિલ્મ તે વખતે સુપરહિટ નિવડી હતી. બોકસ ઓફિસ પર કમાણી પણ જોરદાર કરી હતી. પ્રભુદેવા એ ફિલ્મના નિર્દેશક હતાં અને સંજય લીલા ભણશાલી નિર્માતા. હવે અક્ષય અને ભણશાલીની જોડી ફરીથી સાથે આવી રહ્યાની ચર્ચા છે. આ બંને રાઉડી રાઠોડ-૨ બનાવવાનું પ્લાનીંગ કરી રહ્યા છે. સિકવલનો વિચાર ઘણા સમયથી હતો. પણ અક્ષયના વ્યસ્ત શેડ્યુલને કારણે ભણશાલી એવું જ કહેતા આવ્યા છે કે અક્ષય પાસે સમય નથી. અક્ષયએ પણ પેડમેન ફિલ્મના પ્રમોશન વખતે સિકવલ વિશે પુછાતાં રાઉડી રાઠોડ-૨ બને  તેવી ઇચ્છા દર્શાવી હતી. અક્ષયની આ ઇચ્છા હવે પુરી થશે. રાઉડી રાઠોડ-૨નું શુટીંગ આવતા વર્ષે શરૂ થશે. હિરોઇન અને બીજા કલાકારો હવે નક્કી થશે. હાલમાં અક્ષય પાંચ ફિલ્મોના શુટીંગમાં વ્યસ્ત છે.

 

(10:13 am IST)
  • આસામના ૧૭ જીલ્લામાં પુરપ્રકોપઃ૪ લાખ લોકો માઠી અવસ્થામાં : પૂર્વોતર રાજય આસામમાં ર૩ જીલ્લા પૈકી ૧૭માં પુરઃ ૪.ર૩ લાખ લોકોને માઠી અસરઃ આ લોકો સામે પાણી-ભોજનનું સંકટઃ ભારે વરસાદ-પુરથી ૩ ના મોતઃ ૧૧ જીલ્લાઓમાં પુરઃ ઠેરઠેર રાહત-શિબીરો ઉભી કરાઇ access_time 3:59 pm IST

  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST