Gujarati News

Gujarati News

News of Monday, 12th April 2021

નાના પડદાની જાણીતી અભિનેત્રી દિગાંગના સૂર્યવંશી ઉપર મોરે હૂમલો કર્યોઃ સોશ્‍યલ મીડિયામાં વીડિયો વાયરલ

નવી દિલ્હીઃ બોલીવુડ અને ટીવી અભિનેત્રી દિગાંગના સૂર્યવંશી ઉપર હુમલો થયો છે પરંતુ તમે આ હુમલાને જોઈને તમારૂ હસવુ રોકી શકશો નહીં. દિગાંગનાનો આ વીડિયો સોશિયલ મીડિયા પર વાયરલ થઈ રહ્યો છે.

દિગાંગના પર થયો હુમલો

આ વીડિયોમાં દિગાંગના એક મોર પાસે ઉભેલી જોવા મળી રહી છે. તેમાં તે મોર સામે જોઈ ધીમે-ધીમે આગળ વધી રહી છે. આ દરમિયાન અચાનક મોર ઉડીને તેના તરફ આવ્યો અને હુમલો કરી દીધો. અચાનક થયેલા હુમલાને કારણે દિગાંગના ડરી જાય છે અને રાડો પાડે છે.

વાયરલ થયો વીડિયો

મોરના આ પ્રકારના હુમલાથી એક તરફ દિગાંગના થોડી હેરાન છે, પરંતુ બાદમાં તે પણ હસવા લાગે છે. હવે સોશિયલ મીડિયા પર લોકો વીડિયો જોઈ કોમેન્ટ કરી રહ્યાં છે.

દિગાંગનાનું કરિયર

ઉલ્લેખનીય છે કે દિગાંગનાને ટીવી શો એક વી ર કી અરદાસ.. વીરાથી લોકપ્રિયતા મળી હતી. આ શો સાથે તેણે પોતાના અભિનય કરિયરની શરૂઆત કરી હતી. ત્યારબાદ તે બિગ બોસ 9માં જોવા મળી હતી. ત્યારબાદ તેણે ફિલ્મ ફ્રાઇડે અને જલેબી પણ કરી હતી. હવે તે અર્જુન રામપાલની ફિલ્મ 'ધ બેટલ ઓફ ભીમા કોરેગાંવ'માં પણ જોવા મળશે.

(5:33 pm IST)
  • હાલમાં જેલમાંથી છુટેલ બાંગ્લાદેશના ભૂતપૂર્વ વડાપ્રધાન ખાલિદા જીયા કોરોના પોઝીટીવ access_time 1:57 pm IST

  • ચૂંટણી પંચે બંગાળના CM મમતા બેનર્જીના બંગાળમાં ચૂંટણી પ્રચાર પર 24 કલાક માટે પ્રતિબંધ મૂક્યો : આજે રાત્રે 8 વાગ્યાથી કાલે રાત્રે 8 વાગ્યા સુધી લગાવી રોક : સુરક્ષા દળો પર મમતા બેનર્જીના ભડકાઉ વિધાન પર કરી કાર્યવાહી. access_time 7:49 pm IST

  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST