Gujarati News

Gujarati News

News of Friday, 12th April 2019

અક્ષયની તારીખ ન મળતાં અજય સાથે કામ કરશે ઇન્દ્ર

અજય દેવગણ હાલમાં તાનાજી-ધ અનસંગ હીરો નામની ફિલ્મના કામમાં વ્યસ્ત છે.હવે તેને લઇને નિર્દેશક ઇન્દ્ર કુમાર એકશન કોમડી બનાવશે. હેરાફેરી-૩નું કામ નિર્માતાઓએ ઇન્દ્ર કુમારને સોંપ્યું છે. ઇન્દ્ર આ વર્ષે જ આ ફિલ્મનું શુટીંગ શરૂ કરી દેવાના હતાં. પરંતુ અક્ષય કુમારની તારીખો મેચ ન થતાં હવે આ ફિલ્મનું શુટીંગ આવતા વર્ષે શરૂ થશે. હેરાફેરી-૩નું કામ પાછળ ઠેલાઇ જતાં તેનો ફાયદો ઉઠાવી ઇન્દ્ર કુમાર અજય દેવગણને લઇને નવી ફિલ્મ બનાવશે. પહેલા તો ટોટલ ધમાલની સિકવલ બનાવવાની વિચારણા હતી. પરંતુ હવે નવી ફિલ્મ શરૂ કરાશે, જે એકશન કોમેડી હશે. અજય તેની ફિલ્મ તાનાજી-ધ અનસંગ હીરોના શુટીંગમાં વ્યસ્ત છે. તેમજ સૈયદ અબ્દુલ રહીમ નામના ફૂટબોલરની જિંદગી પરની ફિલ્મ પણ કરી રહ્યો છે. દે દે પ્યાર દે ફિલ્મની પબ્લીસીટીનું કામ શરૂ કરી દીધું છે. તેમાંથી સમય કાઢી તે ઇન્દ્ર કુમાર સાથે કામ કરશે. બીજી તરફ અક્ષય પાસે હાલમાં મિશન મંગલ, ગુડ ન્યુઝ, સૂર્યવંશી જેવી ફિલ્મો છે.

 

(9:34 am IST)
  • વિવાદી નિવેદન મામલે ચૂંટણી પંચે બસપા પ્રમુખ માયાવતી અને યુપીના મુખ્યમંત્રી યોગી આદિત્યનાથને કારણદર્શક નોટિસ ફટકારી :ગત રવિવારે વિવાદાસ્પદ નિવેદન કર્યા હતા access_time 1:14 am IST

  • આજે મતદાર જાગૃતિ અંગે સ્પેશીયલ કોચ રાજકોટમાં: કલેકટર લીલી ઝંડી આપશે : રાજકોટ શહેર-જીલ્લામાં લોકસભા ચૂંટણી અંતર્ગત મતદાર જાગૃતિ અંગે આજે સાંજે સ્પેશીયલ કોચ રાજકોટ આવી પહોંચશે.. કલેકટર ડો. રાહુલ ગુપ્તા લીલી ઝંડી આપી રવાના કરશે... આ સંદર્ભે ૨૫ દિવ્યાંગ બાળકો દ્વારા અદ્ભૂત કાર્યક્રમ યોજાશેઃ લોકોને લાભ લેવા અપીલ access_time 3:51 pm IST

  • ચેન્નઇમાં આયકરના મોટા પાયે દરોડાઃ ચેન્નઇઃ ચેન્નઇમાં આજ સવારથી પીએસકે કન્સ્ટ્રકશન ગ્રુપ ઉપર ઇન્કમટેક્ષના મોટાપાયે દરોડાઃ આ ગ્રુપ ડીએમકેનું ટેકેદાર હોવાનું જાણવા મળે છેઃ દરોડાની કાર્યવાહીથી ડીએમકે લાલઘુમ access_time 11:38 am IST