Gujarati News

Gujarati News

News of Friday, 12th April 2019

એકશન ફિલ્મ બનાવવાની કંગનાની તૈયારી

અભિનેત્રી કંગના રનોૈત ફિલ્મ મણિકર્ણિકાની સફળતા બાદ ફરી એક વખત અભિનય સાથે નિર્દેશકની ભૂમિકા પણ નિભાવવાની છે. આ વખતે કંગના પાસે જોરદાર એકશન ડ્રામા પ્રોજેકટ હાથ આવ્યો છે. આ ફિલ્મની સ્ક્રિપ્ટનું કામ પણ લગભગ પુરૂ થઇ ગયું છે. કંગનાએ કહ્યું હતું કે હું મારા આગામી પ્રોજેકટની ઘોષણા માટે તૈયાર છું. આ એક એકશન ફિલ્મ છે. આ માટે મેં ઘણી તૈયારી કરી છે. અમે સ્ક્રિપ્ટ હાલમાં લોકમાં રાખી છે. ટુંક સમયમાં જ ફોટોશૂટ કરાવશું અને એ પછી પોસ્ટર રિલીઝનું કામ કરીશું.  આ ફિલ્મને ખુબ મોટા બજેટ સાથે બનાવવાની પણ અમારી યોજના છે. હું આ નવા પ્રોજેકટથી ખુબ ઉત્સાહિત છું. ફિલ્મ માટે જોઇએ તેટલુ બજેટ મળવું થોડુ મુશ્કેલ છે, એ પણ મહિલા કેન્દ્રીત ફિલ્મ હોય ત્યારે વધુ તકલીફ પડતી હોય છે. પણ મને આશા છે કે મણિકર્ણિકાની સફળતા બાદ બજેટનું કામ મારા માટે સરળ થઇ જશે. આ ફિલ્મ એક સત્ય ઘટના પર આધારીત હશે. કંગનાની આગામી ફિલ્મોમાં મેન્ટલ હૈ કયા સામેલ છે. તો જયલલિતાની બાયોપીકમાં પણ તે કામ કરવાની છે.

(9:33 am IST)