Gujarati News

અભિનેત્રી અનુષ્કા શર્મા અભિનય કરવા સાથે ફિલ્મ નિર્માણ પણ કરી રહી છે. તેના હોમ પ્રોડકશનની ફિલ્મ 'પરી'નું નવું ટીઝર પણ રિલીઝ થઇ ગયું છે. આ ફિલ્મમાં અનુષ્કા ખુબ જ ખોફનાક અંદાજમાં ડરાવશે. બાવન સેકન્ડનો એક વિડીયો પોસ્ટ થયો છે, જેમાં લખ્યું છે કે આ એક રિમાઇન્ડર છે, કોઇ પરીની કહાની નથી. પરીના આ પહેલાના પોસ્ટર અને વિડીયો પણ આવ્યા હતાં. પણ નવું ટિઝર ખુબ ડરામણું છે. ભુત પર આધારીત અનુષ્કાની આ બીજી ફિલ્મ છે. અગાઉ ફિલ્લોરીમાં પણ તે ફ્રેન્ડલી ભૂત બની હતી. જો કે પરીમાં તે દર્શકોને ખુબ ડરાવશે. અનુષ્કાના હોમ પ્રોડકશનની પહેલી ફિલ્મ એનએચ-૧૦ વર્ષ ૨૦૧૫માં રિલીઝ થઇ હતી. એ પછી તેણે ફિલ્લોરી બનાવી હતી. પરી તેની ત્રીજી ફિલ્મ છે. ફિલ્મ પર અનુષ્કાને ખુબ આશા છે. ૨ માર્ચના રોજ આ ફિલ્મ રિલીઝ થઇ રહી છે.