Gujarati News

Gujarati News

News of Saturday, 12th January 2019

સલમાન ખાન અભિનીત રેસ-૩ને ધારી સફળતા નહીં મળતા હવે રેસ-૪માં સૈફને લેવા વિચારણા

મુંબઈ : 2018માં સલમાને જ્યારે સૈફ અલી ખાન દ્વારા સ્થાપિત સુપરહિટ ફિલ્મ સિરીઝ 'રેસ' આંચકી લીધી હતી ત્યારે બધાને બહુ નવાઈ લાગી હતી. 'રેસ' ફ્રેન્ચાઇઝીના મુખ્ય સ્ટાર સૈફ અલી ખાનને એક ઝાટકામાં બહારનો રસ્તો દેખાડી દેવામાં આવ્યો હતો. જોકે 'રેસ 3'માં સલમાનની હાજરીનો બહુ ફાયદો નથી થયો અને આ ફિલ્મ ફ્લોપ સાબિત થઈ હતી. જોકે લેટેસ્ટ રિપોર્ટ પ્રમાણે હવે 'રેસ 4'માંથી સલમાનનું પત્તું સાફ થઈ ગયું છે અને આમાં ફરી સૈફ અલી ખાનની એન્ટ્રી થવાની છે.

એક લેટેસ્ટ રિપોર્ટમાં જાણકારી મળી છે કે 'રેસ' સિરીઝના નિર્માતા બહુ જલ્દી 'રેસ 4'નું નિર્માણ કરવાના છે જેમાં સલમાનની જગ્યાએ સૈફ અલી ખાનને લેવા ઇચ્છે છે. જોકે સૈફ અલી ખાન પોતે 'રેસ 4' સાઇન કરવા વિશે વિચારણા કરી રહ્યો છે કારણ કે તેને લાગે છે કે 'રેસ 3'ની નિષ્ફળતા પછી ફ્રેન્ચાઇઝની વિશ્વસનીયતાને અસર પહોંચી છે.

હાલમાં સૈફ અલી ખાનની કરિયર ડામાડોળ છે. હાલમાં તે એવી બિગ બજેટ ફિલ્મની શોધમાં છે જે તેને એ લિસ્ટ એક્ટર્સની શ્રૈણીમાં મુકી શકે છે. હવે આ મામલે અંતિમ નિર્ણય સૈફ અલી ખાને લેવાનો છે.

(5:11 pm IST)
  • માત્ર 15 દિવસમાં ઉખેડી નાખશું મધ્યપ્રદેશ સરકાર ;ઉપરથી સિગ્નલ મળવાની રાહ છે : કૈલાશ વિજયવર્ગીય :કૈલાશ વિજયવર્ગીયે કાર્યકરોને કહ્યું કે આ ( મધ્યપ્રદેશ )સરકાર પાંચ વર્ષ ચાલનારી નથી ,જે દિવસે ઉપરથી સિગ્નલ મળી ગયું,15 દિવસની અંદર ઉખેડી નાખશું,તમે ચિંતા ના કરો ':ભાજપના નેતાનો આ વિડિઓ વાયરલ થતા ખળભળાટ મચી ગયો છે access_time 1:21 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST