Gujarati News

Gujarati News

News of Saturday, 12th January 2019

પતિ રણવીર સિંહની આ ફિલ્મની ઓફર ઠુકરાવી દીપિકાએ

મુંબઈ:મોખરાની અભિનેત્રી દીપિકા પાદુકોણે ૧૯૮૩ના ક્રિકેટ વર્લ્ડ કપની ફિલ્મ ૮૩ કરવાનો ઇનકાર કર્યો હોવાની જાણકારી મળી હતી.આ ફિલ્મમાં દીપિકાના પતિ અને મોખરાના અભિનેતા રણવીર સિંઘ ૧૯૮૩ની ક્રિકેટ ટીમના કેપ્ટન અને ઓલ રાઉન્ડર કપિલ દેવનો રોલ કરી રહ્યો છે. કપિલ દેવ આ બાબતમાં સ્પષ્ટતા કરી ચૂક્યો છે કે આ મારી બાયો-ફિલ્મ નથી, આ તો ૧૯૮૩માં ભારતીય ક્રિકેટ ટીમે જીતેલા વર્લ્ડ કપની કથા છે. જો કે એણે રણવીર સિંઘને જરૃરી તાલીમ આપવા માટેની તૈયારી દાખવી હતી.આ ફિલ્મની ઑફર દીપિકાને કરવામાં આવતાં એણે સવિનય ફિલ્મ કરવાનો ઇનકાર કર્યો હતો. એના પ્રવક્તાએ કહ્યું કે ભવિષ્યમાં જરૃર પડયે રણવીર અને દીપિકા સાથે કામ કરશે પરંતુ એ માટે બંને અનિવાર્ય હોય એવી સ્ક્રીપ્ટ હોવી જોઇએ.અત્યાર અગાઉ દીપિકા અને રણવીર સંજય લીલા ભણસાલીની ત્રણ ફિલ્મો સાથે કરી ચૂક્યાં છે- રામલીલાઃ ગોલિયોં કી રાસલીલા, બાજીરાવ મસ્તાની અને  પદ્માવત.દીપિકાના પ્રવક્તાએ કહ્યું કે ભવિષ્યમાં આવી કોઇ સ્ક્રીપ્ટ મળશે તો પતિપત્ની બંને એક ફિલ્મમાં સાથે દેખાશે. નહીંતર બંને સાથે જોવા નહીં મળે.ફિલ્મ ૮૩માં મોટે ભાગે ક્રિકેટ ટીમની વાત છે એેટલે હીરોઇનના પાત્રને બહુ ઝાઝો સ્કોપ નથી એવું દીપિકાને લાગ્યું હતું. આ રોલ કપિલ દેવની પત્નીનો હતો. ફિલ્મની કથામાં કપિલ દેવની પત્નીએ ઝાઝું કંઇ કરવાનું નથી એવું સ્ક્રીપ્ટ પરથી દીપિકાએ તારવ્યું હતું. 

 

(4:34 pm IST)
  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST