Gujarati News

Gujarati News

News of Thursday, 11th October 2018

ઋત્વિક રોશન સામે કંગના રનૌતના ચોંકાવનારા આક્ષેપોથી બોલિવૂડમાં હલચલ

મુંબઇઃ તનુશ્રી દત્તા અને નાના પાટેકરના પ્રકરણે બોલિવુડની અત્યાર સુધી છૂપી રહેલી જાતિય શોષણની અનેક ઘટનાઓને ઉજાગર કરી છે. #Metoo મૂવમેન્ટને કારણે ફેન્ટમ ફિલ્મસ જેવા પ્રોડક્શન હાઉસને તાળાં વાગી ગયા છે. વિકાસ બહલ, રજત કપૂર, આલોક નાથ, કૈલાષ ખેર તેમજ અન્ય લોકો તેની ઝપેટમાં અત્યાર સુધી આવી ચૂક્યા છે.

ફેન્ટમ ફિલ્મની એક્સ એમ્પ્લોઈ દ્વારા વિકાસ બહલે તેની સામે જોઈ હસ્તમૈથુન કર્યું હતું તેવો આરોપ મૂકાતા ચકચાર મચી ગઈ હતી. આલોક નાથ સામે પણ વિનિતા નંદા રેપના આરોપ લગાવી ચૂકી છે. તેવામાં હવે કંગના રનૌતે પણ તેની સુપરહિટ ફિલ્મ ક્વીનના ડિરેક્ટર સામે તેના વર્તનને લઈને આરોપ લગાવ્યા છે.

કંગનાએ રિતિક રોશન સામે પણ તેણે કડવા વેણ ઉચ્ચાર્યા છે. કંગના અને રિતિક વચ્ચે થયેલી મોટી બબાલથી સૌ કોઈ પરિચિત છે. મીડિયા સાથે વાત કરતા કંગનાએ કહ્યું હતું કે, વિકાસ બહલ વિશે જે થઈ રહ્યું છે તે બિલકુલ યોગ્ય છે. બોલિવુડમાંથી કચરો દૂર કરવા અને તેને મહિલાઓ માટે સુરક્ષિત જગ્યા બનાવવા આપણે ઘણું કરવાનું છે.

કંગનાએ કહ્યું હતું કે, એવા પણ પુરુષો હોય છે કે જે છોકરીઓ સાથે રિલેશન બનાવવા તેમને ખોટા પ્રોમિસ આપે છે. કંગનાએ પુરુષોના વલણને પણ એક પ્રકારની સતામણી ગણાવી હતી. તેણે એમ પણ કહ્યું હતું કે આવા લોકો સાથે કામ કરવું તેના કરતા તો કામ કરવું વધુ સારું.

રિતિક પર આડકતરો હુમલો કરતા કંગનાએ કહ્યું હતું કે, આવા લોકો પોતાની પત્નીઓને લોકોને બતાવવા માટે ટ્રોફીની જેમ રાખતા હોય છે, અને યંગ છોકરીઓની સાથે સંબંધ પણ રાખતા હોય છે. કંગનાના આરોપ સાથે હવે રિતિક રોશન પણ #Metooનો આરોપી બની ગયો છે, અને આવનારા દિવસોમાં બબા મોટી થાય તો નવાઈ નહીં.

(5:52 pm IST)
  • વાવાઝોડું તીતલી વહેલી સવારે રૌદ્ર સ્વરૂપ સાથે ઓરિસ્સા પહોંચશે:રસ્તામાં આવતા કાંઠાના ૫ જિલ્લાના વિસ્તારો ખાલી કરાવવા આદેશ:ભારેથી અતિ ભારે વરસાદની ચેતવણી ૮૩૬ શિબિરો તૈયાર:એન્ડીઆરાએફની ૧૦ સહિત ૧૮ બચાવ રાહત ટૂકડીઓ ખડેપગે access_time 12:42 am IST

  • અમદાવાદ આંગડીયા પેઠી પાસેથી લુંટ કરવાના ગુનામા આરોપીની ધરપકડ: ક્રાઈમ બ્રાંચે કરી આરોપીની ધરપકડ:વડોદરામા થયેલ બે લૂંટના ગુનાનો ભેદ ઉકેલાયો: 5 લાખ અને 2.50 લાખની લૂંટનો ભેદ ઉકેલાયો:આરોપી અગાઉ 10 થી વધુ ગુનામા ઝડપાઈ ચુક્યો છે. access_time 7:43 pm IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST