Gujarati News

Gujarati News

News of Wednesday, 11th September 2019

સંજય લીલા ભણશાલીની ફિલ્મ ઇન્શાઅલ્લાહમાં હવે સલમાન ખાનના બદલે ઋત્વિક રોશન અને આલિયા ભટ્ટની જોડી ચમકશે

નવી દિલ્હી : નિર્દેશક સંજય લીલા ભણશાલી છેલ્લા કેટલાક દિવસોથી પોતાની આગામી ફિલ્મ ઇન્શાઅલ્લાહને લઇને ચર્ચાઓમાં છે. આ પહેલા આ ફિલ્મમાં સલમાન ખાન મુખ્ય ભૂમિકામાં હશે એવી વાતો સામે આવી હતી. જોકે હવે એક નવો ટર્ન આવ્યો છે. આ ચર્ચાઓ વચ્ચે એવું સામે આવી રહ્યું છે કે રિતિક રોશન આ ફિલ્મમાં ઇન થઇ રહ્યો છે અને સલમાન આઉટ.

કેટલાક દિવસો અગાઉ આપને જણાવ્યું હતું કે, કેમ સંજય લીલા ભણશાલી આ ફિલ્મ માટે સલમાન ખાનનો રિપ્લેસ શોધી રહ્યા છે. હિરોઇન તરીકે તો આલિયા ભટ્ટ ફિક્સ છે પરંતુ હિરો માટે પ્રયાસ ચાલું હતા. હવે રિતિક પર નજર ઠરી છે. જેને હિસાબે હવે સ્ક્રિપ્ટમાં પણ થોડા ફેરફાર થશે એવી ચર્ચાઓ છે.

સુત્રોના અનુસાર હવે સલમાન ખાનને બદલે આ ફિલ્મમાં રિતિક રોશનને લેવાની તૈયારીઓ હાથ ધરવામાં આવી છે. આ ફિલ્મમાં આલિયા ભટ્ટ જોડી બનાવશે. આલિયા પ્રથમ વખત રિતિક સાથે ફિલ્મ કરવા જઇ રહી છે. જોકે આ મામલે સત્તાવાર રીતે કોઇ સ્પષ્ટતા આવી નથી.

(5:16 pm IST)
  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST

  • ૯/ ૧૧ હુમલાની ૧૮મી વરસી પર અફઘાનિસ્તાનમાં અમેરિકી દુતાવાસ પર હુમલો : અમેરિકામાં ૧૧ સપ્ટેમ્બર ૨૦૦૧ના રોજ થયેલા ત્રાસવાદી હુમલાના ૧૮ વર્ષ પૂર્ણ થવાના દિવસે અફઘાનિસ્તાનમાં અમેરિકી દુતાવાસ પર એક રોકેટ દ્વારા હુમલો કરવામાં આવ્યોઃ અધિકારીઓએ જણાવ્યું કે જાનમાલનું કોઇ નુકસાન નથી થયું. access_time 1:03 pm IST

  • સુપ્રીમકોર્ટમાં અયોધ્યા ભૂમિ વિવાદ અને આમ્રપાલી મામલાની થશે સુનાવણી : સુપ્રીમકોર્ટમાં બે મોટા મામલાની થશે સુનાવણી : અયોધ્યા ભૂમિ વિવાદ અને આમ્રપાલીના અધૂરા પ્રોજેક્ટ પર સુનાવણી કરશે access_time 1:03 am IST