Gujarati News

અભિનેત્રી શ્રધ્ધા કપૂરની પ્રભાસ સાથેની ફિલ્મ સાહોએ સફળતા મેળવી લીધી છે. ફિલ્મ ભલે ઘણાને ગમી ન હોય છતાં કરોડોની કમાણી કરી લીધી છે અને બીજા અનેકને પસંદ પડી છે. હવે શ્રધ્ધા નવી ફિલ્મ બાગી-૩ની તૈયારી કરી રહી છે. થોડા દિવસોમાં જ આ ફિલ્મનું શુટીંગ શરૂ થવાનું છે. શ્રધ્ધાએ સોશિયલ મિડીયા પર બાગી-૩ વિશે પોસ્ટ મુકી હતી. બાગી ફ્રેન્ચાઇઝીની બે ફિલ્મો અત્યાર સુધી આવી ચુકી છે. બંને ભાગ દર્શકોને ખુબ ગમ્યા છે. એક ભાગમાં શ્રધ્ધા હતી અને બીજા ભાગમાં દિશાએ રોલ નિભાવ્યો હતો. ત્રીજા ભાગમાં ફરીથી શ્રધ્ધાને લેવામાં આવી છે. ત્રીજા ભાગમાં અદ્દભુત એકશન દ્રશ્યો જોવા મળશે. અહેમદ ખાન આ ફિલ્મનું નિર્દેશન કરી રહ્યા છે. ટાઇગર એકશનના ટ્રીપલ ડોઝ આપતો જોવા મળશે. શ્રધ્ધાની છિછોેરે પણ રિલીઝ થઇ છે અને દર્શકોને તે ગમી છે. ટાઇગર બીજી તરફ રિતીક સાથે વોરમાં કામ કરી રહ્યો છે.