Gujarati News

Gujarati News

News of Saturday, 11th August 2018

કલાકારે સામાજિક હેતુલક્ષી ફિલ્મો પણ કરવી જોઇએ: શાહિદ કપૂર

મુંબઇ:  ટોચના અભિનેતા શાહિદ કપૂરે કહ્યું હતું કે દરેક કલાકારે થોડીક સામાજિક હેતુલક્ષી ફિલ્મો પણ કરવી જોઇએ. જે સમાજમાં કલાકાર રહે છે એના પ્રત્યે પણ એની કોઇ જવાબદારી હોય છે. 'મેઇનસ્ટ્રીમ ફિલ્મો સાથે સંકળાયેલા દરેક કલાકારે સામાજિક હેતુલક્ષી ફિલ્મો કરવી જોઇએ જેથી મહત્ત્વના સંદેશા વધુ લોકો સુધી પહોંચે. મારી અગાઉની બે ફિલ્મો હૈદર અને ઊડતા પંજાબને લોકોએ બિરદાવી હતી કારણ કે એમાં મનોરંજનની સાથોસાથ ઉપયોગી સંદેશ હતો' એમ શાહિદે કહ્યું હતું. હૈદરમાં માનવ અધિકારોની વાત હતી. આજે ઇશાન ભારતનાં રાજ્યોમાં માનવ અધિકારોના ભંગની બૂમાબૂમ થઇ રહી છે ત્યારે આવી ફિલ્મ લોકો સુધી મહત્ત્વની વાત પહોંચતી કરી શકે છે. ઊડતા પંજાબમાં ડ્રગના અનિષ્ટની વાત હતી. હાલ પંજાબના યુવાનો ડ્રગના રવાડે ચડી ગયા છે એ તરફ ઊડતા પંજાબમાં આંગળી ચીંધવામાં આવી હતી. બત્તી ગુલ મીટર ચાલુમાં ઉત્તર ભારતમાં થઇ રહેલી બેફામ વીજચોરીની વાત સમાવી લેવામાં આવી છે. અગાઉ અક્ષય કુમારે ખુલ્લામાં ગુરુશંકા કરવાના નુકસાન તરફ આંગળી ચીંધતી ટોયલેટ એક પ્રેમકથા ફિલ્મ બનાવી હતી તથા મહિલાઓના સેનિટરી નેપકીન્સ વિશે પેડમેન ફિલ્મ બનાવી હતી.

(4:26 pm IST)
  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • લલીત વસોયા અને હાર્દિક પટેલ સહિત તમામ ધારાસભ્યો-અટકાયતીઓને મુકત કરી દેવાયાઃ લલીતભાઇ પાસેથી લેખિતમાં બાંહેધરી લેવાયાના હેવાલો access_time 3:35 pm IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST