Gujarati News

Gujarati News

News of Saturday, 11th August 2018

એકતા કપૂર સિદ્ધાર્થ મલ્હોત્રા અને પરિણિતી ચોપરાને લઈને બનાવશે ફિલ્મ

મુંબઇ: ટોચની મહિલા ફિલ્મ સર્જક બાલાજીની એકતા કપૂરે સિદ્ધાર્થ મલ્હોત્રા અને પરિણિતી ચોપરાને પોતાની એક આગામી ફિલ્મ માટે સાઇન કર્યાં હોવાની માહિતી મળી હતી. અગાઉ આ બંનેએ હસી તો ફસી ફિલ્મ સાથે કરી હતી જે એ જ ટાઇટલ ધરાવતી હિટ મરાઠી ફિલ્મ પરથી બની હતી. હવે આ બંને એકતા કપૂરની ફિલ્મમાં સાથે દેખાવાનાં છે. એકતા કપૂરની ફિલ્મને જબરિયા જોડી ટાઇટલ આપવામાં આવ્યું છે. આમ તો આ બંને કલાકારો અગાઉ હિટ ફિલ્મ માટે તડપતા હતા. પરિણિતીને ગઇ દિવાળી પર એક સુપરહિટ ફિલ્મ મળી ગઇ. અજય દેવગણની ગોલમાલ અગેનમાં પરિણિતીનો રોલ વખણાયો અને રાતોરાત એની માગ વધી. સિદ્ધાર્થ મલ્હોત્રાએ અભિનય કારકિર્દી કરણ જોહરની સ્ટુડન્ટન ઑફ ધી યર (2012) થી અભિનય કારકિર્દી શરૃ કરી હતી પરંતુ હજુ સુધી એક પણ હિટ ફિલ્મ આપી શક્યો નથી. તાજેતરમાં એવી વાતો વહેતી થઇ હતી કે એ કરણ જોહર કેમ્પને હવે છોડી દેવાનો છે. અહીં તમને એક વાત કહી દઇએ કે આ ફિલ્મનું ઓરિજિનલ ટાઇટલ શોટગન શાદી હતું. હવે એ ટાઇટલ બદલીને જબરિયા જોડી કરવામાં આવ્યું છે. એટલે કે જબરિયા જોડી સાવ નવી નક્કોર ફિલ્મ નથી, શોટગન શાદી છે. એક સૂત્રે કહ્યું કે આ ફિલ્મની કથા વરરાજાના અપહરણની છે એટલે જબરિયા જોડી ટાઇટલ વધુ ફિટ છે એમ એકતા સહિત સૌને લાગ્યું હતું એટલે ટાઇટલ બદલી નાખવામાં આવ્યું હતું.

(4:25 pm IST)
  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • રાજ્યસભાના ઉપસભાપતિની ચૂંટણીમાં જેડીયુને સમર્થન આપ્યું ભાજપને નહીં ;બીજેડીએ કહ્યું કે વૈચારિક સમાનતાને કારણે જેડીયુને સમર્થન આપ્યું અને ભાજપ અને કોંગ્રેસથી અંતર રાખ્યું છે : ઓરિસ્સામાં સત્તારૂઢ બીજેડીયુના અધ્યક્ષ નવીન પટનાયકએ જેડીયુના અધ્યક્ષ નીતીશકુમાર સાથે વાતચીત કર્યા બાદ જેડીયુના ઉમેદવાર હરિવંશ નારાયણ સિંહને સમર્થન આપ્યું હતું access_time 12:27 am IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST