Gujarati News

Gujarati News

News of Thursday, 11th July 2019

દેશભક્તિ દેખાડવી કે દેશપ્રેમ કરવો એ કોઇ ટેલેન્‍ટ નથીઃ જ્હોન અબ્રાહમની ફિલ્મ બાટલા હાઉસનું ટ્રેલર રિલીઝ

મુંબઈઃ જોન અબ્રાહમનો દેશપ્રેમ જગજાહેર છે. દેશભક્તિ સાથે જોડાયેલી ફિલ્મોમાં તે સતત જોવા મળી રહ્યો છે. દેશહિત સૌથી પહેલા, દેશભક્તિ સૌથી પહેલા અને બાકીના બધા કામ પછી, પોલિસી જોનની રહી છે. મુંબઈમાં ફિલ્મ બાટલા હાઉસના ટ્રેલર રિલીઝ પ્રસંગે જોન અબ્રાહમની દેશભક્તી ફરી એક વખત જોવા મળી. જોન અબ્રાહમે જણાવ્યું કે, દેશભક્તિ દેખાડવી કે દેશ પ્રમે કરવો કોઈ ટેલેન્ટ નથી.

જોન અબ્રાહમે કહ્યું કે, "જ્યારે તમારી સામે તિરંગો આવે છે, તમે જે દેશમાં રહો છો પછી તમે ભલે ગમે તે હોવ, દેશના કારણે આપમેળે તમારા અંદર દેશભક્તિ, દેશપ્રેમ આવી જાય છે. હું પણ એક કોમન મેનની જેમ કરું છું."

જોને વધુમાં જણાવ્યું કે, ફિલ્મોની પસંદગી કરતા સમયે તેને દરેક પ્રકારની ફિલ્મ કરવામાં આનંદ આવે છે. કોમેડી તેની ફેવરિટ જીનર છે, પરંતુ દેશભક્તિ સાથે જોડાયેલી ફિલ્મ તેની લિસ્ટમાં એક વિશેષ સ્થાન ધરાવે છે. સ્ક્રિપ્ટ અને કન્ટેન્ટ સારી હોય તો ગમે ત્યારે દેશભક્તિની ફિલ્મ કરવામાં આનંદ આવે છે. માત્ર યુનિફોર્મ પહેરી લેવાથી ફિલ્મ ચાલતી નથી અને લોકોના દિલ સુધી પહોંચતી નથી. યુનિફોર્મની સાથે સાથે સ્ટોરી, કન્ટેન્ટ અને બાકીની બાબતો પણ મહત્વ ધરાવે છે. જો બધું સારું હોય તો લોકોને ફિલ્મ પસંદ આવે છે.

જોન અબ્રાહમની આગામી ફિલ્મ 'બાટલા હાઉસ' 15 ઓગસ્ટના રોજ સ્વતંત્રતા દિવસે રિલીઝ થવાની છે. ફિલ્મની સાથે અક્ષયકુમારની 'મિશન મંગલ' અને પ્રભાસની બહુપ્રતિક્ષીત ફિલ્મ 'સાહો' પણ રિલીઝ થવાની છે.

(4:52 pm IST)
  • દેવભૂમિ દ્વારકાના પ્રભારી સચિવ તરીકે અનુપમ આનંદ નિમાયા :વિકાસ કમિશનર નલિન ઠાકરના સ્થાને નિમણુંક દેવભૂમિ દ્વારકાના પ્રભારી સચિવપદે આઈ,એ,એસ,સચિવ સામાન્ય વહીવટ વિભાગના ડે અનુપમ આનંદની નિમણુંક કરાઈ છે તેઓને દેવભૂમિ દ્વારકાના નલિન ઠાકર આઈ,એ,એસ વિકાસ અધિકારીના સ્થાને નિમાયા છે રાજ્યના દરેક જિલ્લાના લોકોના પ્રશ્નોનું ઉચ્ચસ્તરે મોનીટરીંગ કરવા અને વહીવટ પર દેખરેખ રાખવા સંદર્ભે પ્રભારી સચિવ તરીકે સચિવની નિયુક્તિ અને કામગીરી બાબતે સૂચના અપાઈ છે access_time 7:57 pm IST

  • શેરબજારમાં તેજીનો માહોલ : બપોરે ૩ વાગ્યે સેન્સેકસ રપ૯ વધીને ૩૮૮૧૮ અને નીફટી ૮ર પોઇન્ટ વધીને ૧૧પ૮૧ ઉપર છે. ડોલર સામે રૂપિયો ૬૮.૪ર ઉપર ટ્રેડ કરે છે. access_time 3:25 pm IST

  • કોંગ્રેસને વધુ એક ઝટકો : ગોવાના ૧૦ ધારાસભ્યો ભાજપમાં જોડાયા : કાર્યકારી અધ્યક્ષ જે.પી.નડ્ડાએ ખેસ પહેરાવ્યો access_time 6:12 pm IST