Gujarati News

Gujarati News

News of Monday, 11th June 2018

કાયનાત હવે કરી રહી છે પંજાબી ફિલ્મોમાં કામ

બોલીવૂડમાં અમુક અભિનેત્રી આવીને કયારે જતી રહે છે તે ખબર પડતી નથી. અમુક અભિનેત્રી પહેલી ફિલ્મથી જ જાણીતી બની જાય છે. આવી અભિનેત્રીમાં કાયનાત અરોડાનું નામ પણ સામેલ છે. સ્વ. દિવ્યા ભારતીની પિત્રાઇ બહેન કાયનાત દેખાવમાં અત્યંત સુંદર છે. ૩૧ વર્ષની આ અભિનેત્રીની ફિલ્મ સો કરોડની કલબમાં સામેલ થઇ હતી. એ ફિલ્મ હતી ગ્રાન્ડ મસ્તી. દ્વીઅર્થી ડાયલોગ્સ ધરાવતી આ ફિલ્મ દર્શકોને ખુબ ગમી હતી. કાયનાતે અક્ષય કુમારની ફિલ્મ ખટ્ટા મિઠામાં આઇટમ સોંગ આઇલા રે લડકી મસ્ત મસ્ત...માં પણ કામ કર્યુ હતું.  એ પછી કાયનાતે મલયાલમ, તેલુગુ અને પંજાબી ફિલ્મો કરી હતી. મલયાલમમાં લૈલા ઓ લૈલામાં લૈલાનો રોલ નિભાવ્યો હતો. હાલમાં બોલીવૂડમાં કામ ન હોઇ તે પંજાબી ફિલ્મોમાં કામ કરી રહી છે. તમિલ ફિલ્મ મથકથા પણ કરી હતી.

(9:13 am IST)
  • કેરળમાં ભારે વરસાદ :મૃત્યુ આંક 13 થયો :ઘણા જિલ્લાઓમાં એલર્ટ જાહેર : દેશના દક્ષિણ ભાગમાં ચોમાસુ સક્રિય થઇ ગયું છે. ચોમાસાને કારણે ઘણા દક્ષિણ રાજ્યોમાં છેલ્લા કેટલાક દિવસથી જોરદાર વરસાદ પડી રહ્યો છે જેના કારણે ઘણી જગ્યા પર પૂર જેવી પરિસ્થિતિ જોવા મળી રહી છે. કેરળના અલગ અલગ ભાગોમાં છેલ્લા કેટલાક સમયથી ભારે વરસાદને કારણે અત્યારસુધીમાં 13 લોકોના મોત નિપજ્યા છે વહીવટીતંત્ર દ્વારા ઘણા જિલ્લાઓમાં એલર્ટ જાહેર કરવામાં આવ્યું છે access_time 12:39 pm IST

  • માનહાની કેસમાં આજે ભિવંડી પહોંચશે રાહુલ ગાંધી :સંઘ વિરુદ્ધ નિવેદન મામલે રાહુલ વિરુદ્ધ માનહાનિનો કેસ કરાયો છે :ભીવંડીની મેજિસ્ટ્રેટ કોર્ટમાં રાહુલ રહેશે હાજર. access_time 1:38 am IST

  • અમેરિકાના કોલારાડોના જંગલમાં લાગેલી ભીષણ આગે વિકરાળ સ્વરૂપ ધારણ કરી લીધુ છે. કોલારાડોમાં શનિવારથી રવિવાર સુધીમાં હજારો લોકોનું સ્થળાંતર કરાવવામાં આવ્યું છે. ત્યારે રવિવારે આ આગ અંદાજે 17,000 એકરમાં ફેલાઇ ગઇ હતી. આગને પગલે 675 જેટલાં મકાનો ખાલી કરાવી દેવામાં આવ્યા હતા. તેમજ 2000 લોકોનું સ્થળાંતર કરવામાં આવ્યુ છે. તેમજ ફોન અને મેસેજ દ્વારા સ્થળાંતરણના આદેશ અપાયા છે. access_time 7:10 pm IST