Gujarati News

બોલીવૂડમાં અમુક અભિનેત્રી આવીને કયારે જતી રહે છે તે ખબર પડતી નથી. અમુક અભિનેત્રી પહેલી ફિલ્મથી જ જાણીતી બની જાય છે. આવી અભિનેત્રીમાં કાયનાત અરોડાનું નામ પણ સામેલ છે. સ્વ. દિવ્યા ભારતીની પિત્રાઇ બહેન કાયનાત દેખાવમાં અત્યંત સુંદર છે. ૩૧ વર્ષની આ અભિનેત્રીની ફિલ્મ સો કરોડની કલબમાં સામેલ થઇ હતી. એ ફિલ્મ હતી ગ્રાન્ડ મસ્તી. દ્વીઅર્થી ડાયલોગ્સ ધરાવતી આ ફિલ્મ દર્શકોને ખુબ ગમી હતી. કાયનાતે અક્ષય કુમારની ફિલ્મ ખટ્ટા મિઠામાં આઇટમ સોંગ આઇલા રે લડકી મસ્ત મસ્ત...માં પણ કામ કર્યુ હતું.  એ પછી કાયનાતે મલયાલમ, તેલુગુ અને પંજાબી ફિલ્મો કરી હતી. મલયાલમમાં લૈલા ઓ લૈલામાં લૈલાનો રોલ નિભાવ્યો હતો. હાલમાં બોલીવૂડમાં કામ ન હોઇ તે પંજાબી ફિલ્મોમાં કામ કરી રહી છે. તમિલ ફિલ્મ મથકથા પણ કરી હતી.