Gujarati News

મુંબઇ:અજય દેવગણ અભિનીત રેઇડ ફિલ્મની સફળતા બાદ દિગ્દર્શક રાજ કુમાર ગુપ્તા આગામી ફિલ્મની તૈયારીમાં વ્યસ્ત થઇ ગયો છે. સાચી ઘટના પર આધારિત આ ફિલ્મ હશે. આ ફિલ્મ સાલ ૨૦૧૨ અને ૨૦૧૪ દરમિયાન ભારતમાં સરકારી જાસૂસના વોન્ટેડ આતંકવાદીઓની ધરપકડના એક સિક્રેટ મિશન પર આધારિત હશે. અર્જુન કપૂર આ ફિલ્મમાં મુખ્ય ભૂમિકામાં જોવા મળશે. તે જાસૂસ અધિકારીના પાત્રમાં જોવા મળશે. આ ફિલ્મનું મોટા ભાગનું શૂટિંગ દિલ્હી અને નેપાલમાં થાય તેવી શક્યતા છે. દિગ્દર્શકને શરૃઆતથી તે અંત સુધીના સતત શેડયુલમાં આ ફિલ્મનું શૂટિંગ કરવું છે. શૂટિંગમાં કોઇ પણ બ્રેક લીધા વિના જ શૂટિંગ કરવાની તૈયારી કરી રહ્યો છે. આ ફિલ્મનું શૂટિંગ જુલાઇ પછી શરૃ થાય તેવી શક્યતા છે. હાલ અર્જુન કપૂર પોતાની ફિલ્મોના શૂટિંગ પતાવી રહ્યો છે. તેણે આ ફિલ્મની નેરેશન ફોન પર જ સાંભળી હતી અને તેને સ્ક્રિપ્ટ પસંદ પડતા તેણે આ ફિલ્મમાં કામ કરવાની ઓફર સ્વીકારી હોવાની ચર્ચા છે.