Gujarati News

મુંબઇ: લાંબા સમયથી કાનૂની જંગમાં અટવાઇ પડેલી અભિનેતા ફિલ્મ સર્જક સની દેઓલની ફિલ્મ મોહલ્લા અસીને કેન્દ્રીય ફિલ્મ સેન્સર બોર્ડે એ સર્ટિફિકેટ આપીને પાસ કરી હોવાની જાણકારી મળી હતી. નિર્માતા વિજય તિવારીએ મિડિયાને આ માહિતી આપતાં કહ્યું કે લાંબા સમયથી ચાલી રહેલા કાનૂની જંગમાં અમારો વિજય થયો હતો અને કોર્ટે સેન્સર બોર્ડને એ સર્ટિફિકેટ આપીને અમારી ફિલ્મ રિલિઝ કરવાની રજા આપવાનો આદેશ આપ્યો હતો. નવલકથાકાર કાશી નાથ સિંઘની કાશી ઇઝ અસી નામની નવલકથા પર આધારિત આ ફિલ્મ છેક ૨૦૧૧માં શરૃ થઇ હતી. એમાં સની દેઓલ, સાક્ષી તંવર અને રવિ કિસન ચમકી રહ્યાં છે. ચંદ્ર પ્રકાશ દ્વિવેદીએ એનું ડાયરેક્શન સંભાળ્યું હતું.