Gujarati News

Gujarati News

News of Tuesday, 10th December 2019

અક્ષય કુમાર અને કરીના કપૂર ખાનની ફિલ્મ ગુડ ન્યુઝનું નવું ગીત માના દિલ રિલીઝ

મુંબઈ : અક્ષયકુમાર અને કરીના કપૂર ખાનની ફિલ્મ ગુડ ન્યૂઝ બહુ જલ્દી રિલીઝ થવાની છે. હાલમાં આ બંને ફિલ્મનું જબરદસ્ત પ્રમોશન કરી રહ્યા છે. આ ફિલ્મના ટ્રેલરને જબરદસ્ત પ્રતિભાવ મળી રહ્યો છે. હવે ફિલ્મને મેકર્સે નવું ગીત માના દિલ રિલીઝ કર્યું છે. આ ગીતને બી પ્રાકે અવાજ આપ્યો છે અને એના શબ્દો સુપર ઇમોશનલ છે.

આ ફિલ્મના ટ્રેલર અને ગીત ‘ચંડીગઢ મેં’ અને ‘સૌદા ખરા ખરા’ને સારો રિસ્પોન્સ મળ્યા પછી ડિરેક્ટર્સે સોમવારે બીજુ એક ગીત ‘માના દિલ’ રીલિઝ કર્યું છે. નોંધનીય છે કે આ પહેલા પણ બી પ્રાક ‘કેસરી’ ફિલ્મના ગીત ‘તેરી મિટ્ટી’માં પોતાનો અવાજ આપી ચૂક્યો છે. આ ગીત પણ દર્શકોને ખૂબ જ પસંદ પડ્યું હતું. ‘ગુડ ન્યૂઝ’ના ગીત ‘માના દિલ’માં ફિલ્મ લીડ કેરેક્ટર્સ અક્ષય, કરીના, દિલજીત અને કિયારા વિચિત્ર સ્થિતિમાંથી પસાર થતાં જોવા મળે છે. આ ગીતમાં બતાવવામાં આવ્યું છે કે દરેક લોકો ‘ગુડ ન્યૂઝ’ મળ્યા પછી ખુશી થવાની જગ્યાએ દુઃખી થતાં જોવા મળે છે. તનિષ્ક બાગચીએ આ ગીતનું મ્યૂઝિક આપ્યું છે.

આ ફિલ્મમાં અક્ષય અને કરીના કપૂર એવા વિવાદિત કપલની ભૂમિકામાં જોવા મળશે, જે બાળક માટે પ્રયત્ન કરી રહ્યા છે. આ ફિલ્મ કરણ જોહરના ધર્મા પ્રોડક્શનના બેનર બની છે. તો બીજી તરફ રાજ મહેતા ડાયરેક્ટર તરીકે આ ફિલ્મ દ્વારા ડેબ્યૂ કરી રહ્યા છે. હીરૂ જોહર, અરૂણા ભાટીયા, કરણ જોહર, અપૂર્વા મહેતા અને શશાંક ખેતાને આ પ્રોડ્યૂસ કરી છે. આ ફિલ્મના ડાયરેક્ટર રાજ મહેતા છે અને ધર્મા પ્રોડક્શન હાઉસ અને ઝી સ્ટૂડિયોના બેનર હેઠળ બની છે.

(5:42 pm IST)
  • લાંચ પ્રકરણમાં સંડોવણી બાદ સુરત કોંગ્રેસની આકરી કાર્યવાહી : મહિલા કોર્પોરેટર કપિલા પટેલને પાર્ટીમાંથી સસ્પેન્ડ કરાયા : લાંચ પ્રકરણ અંગે શહેર કોગ્રેસ દ્વારા પ્રદેશ કક્ષાએ જાણ કરાઈ : પ્રદેશકક્ષાએથી મળેલ નિર્દેશ મુજબ શહેર પ્રમુખે કપિલા પટેલને કર્યા સસ્પેન્ડ access_time 10:57 pm IST

  • દેશમાં રોજગારીની કોઈ કમી નથી : નોટબંધી પછી બેરોજગારી વધ્યાના કોઈ ચિન્હ દેખાતા નથી : લોકસભામાં શ્રમ રોજગાર મંત્રી ગંગવાર ઉવાચ access_time 8:08 pm IST

  • જીએસટી કાઉન્સીલે નિયુકત કરેલા રેવન્યુ બાબતના ઓફીસરોની એક મહત્વની બેઠક અત્યારે સાંજે પૂરી થઇ જેમાં આ અધિકારીઓએ ૫% જીએસટીનો સ્લેબ વધારીને ૮ % કરવાનો અને ૧૨ % જીએસટીનો સ્લેબ વધારીને ૧૫ ટકા કરવાની ભલામણ કરી છે (ન્યુઝ ફર્સ્ટ દ્વારા) access_time 5:27 pm IST