Gujarati News

Gujarati News

News of Thursday, 10th October 2019

હવે પંજાબી ફિલ્મ પર ઝરીનને આશા

બોલીવૂડમાં સલમાન ખાન જેવા સુપરસ્ટાર સાથે કારકિર્દીની શરૂઆત કરનાર અભિનેત્રી ઝરીન ખાનને જોઇએ તેવી સફળતા મળી નથી. બોલીવૂડમાં હેટસ્ટોરી સિરીઝની ફિલ્મમાં અત્યંત બોલ્ડ દ્રશ્યો આપવા છતાં ઝરીનને સફળતાનો સ્વાદ ચાખવા મળ્યો નથી. હવે તે પંજાબી ફિલ્મ કરી રહી છે. તેની આ પંજાબી ફિલ્મનું નામ 'ડાકા' છે. જેમાં તે જાણીતા પંજાબી સ્ટાર ગિપ્પી ગ્રેવાલ સાથે મુખ્ય રોલ નિભાવી રહી છે. પંજાબના જાણીતા રૈપર ગુરૂ રંધાવાએ ઝરીનની આ ફિલ્મના રોલના વખાણ કર્યા છે. ઝરીન લાંબા સમયથી હિન્દી ફિલ્મોથી દૂર છે. તે બિગ બોસમાં આવવાની છે તેવી વાતો પણ અગાઉ વહેતી થઇ હતી. પણ હવે તે હિન્દી ફિલ્મોથી દૂર થઇ પંજાબી ફિલ્મોમાં વ્યસ્ત થઇ છે. તેને આ ફિલ્મ પર ખુબ આશા છે. ફિલ્મનું ટ્રેલર પણ રિલીઝ થઇ ગયું છે. જેને રિલીઝ સાથે જ બે લાખથી વધુ વ્યુઝ મળી ગયા હતાં. ગુરૂ રંધાવાએ પણ ટ્રેલર પોતાના સોશિયલ મિડીયા પર પોસ્ટ કરી વખાણ કર્યા છે. ફિલ્મનું નિર્દેશન બલજીતસિંહ કરી રહ્યા છે. પહેલી ડિસેમ્બરે ફિલ્મ રિલીઝ થશે.

(10:01 am IST)
  • મોડીરાત્રે રાજકોટમાં હિટ એન્ડ રનની ઘટના : 150 ફૂટ રિંગરોડ પર કાર ચાલકએ ત્રણ કાર સાથે બાળકીને અડફેટે લીધી : કાર ચાલાક અકસમાત સર્જીને ફરાર : વધુ વિગતો મેળવાઈ રહી છે access_time 1:02 am IST

  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST

  • સુરત મજુરાના ધારાસભ્ય હરસંઘવીની આંતરરાષ્ટ્રીય સમિતિમાં નિમણુંક : વિદેશી સંબંધો અને આંતરરાષ્ટ્રીય વ્યાપાર બાબતની આઈસીડબલ્યુએ સમિતિના સભ્યપદે થઈ નિમણુંક access_time 6:16 pm IST